Thursday, December 17, 2009

الله خلق وفرق

حـــسافة على صوتي لــك والله
اذا القلاف يدري انت مع منو بتصوت
أشـــره عليك شكو
بس تدري شــلون بغير وعدي لأحد مقربينك
وبكتب بوست خاص عن أعمالك الجليلة


أمـــا أنت يا بولنا موقف باجر بطرح الثقه
قلناها من زمان الأمــر مو بيدك
حسافة عليك وحسافة على المنبر اللي انت منه
لكن تدري شــلون أذا ناديت المدونين مرة ثانية
لا أدق على الطب النفسي وأسحب اللي فيه كلهم وقطهم عندك بالديوانية


يا حبيبي يا دكتور وانت الله يسامحك كله تحاتي عدنان عبدالصمد وربعه
عسى ماكلموك قمت اتلافت يمين ويسار
شفيك ماعندك ثقه بنفسك
انت عضو من 96 وليلحين تمشي يم الساس





هلا وغلا بالدكتورة
والله العظيم إنج تشرفين الكرسي الي انت فيه
كــل الكلمات ماتوفيلج الحق
لكن اللي نبيه منج ثبات الموقف

20 comments:

enter-q8 said...

شوف اللي صدمني اليوم اسيل
يعني لا تقولي مرزوق و العنجري و الملا
لا خالصين منهم و كنت متوقع هالشي

الا صج شخبار الدويسان

الدســتور said...

Enter-Q8 :

أي والله أصدمتني

فيصل الدويسان
الظاهر كلموه بعيد الفاصل

nanonano said...

بيضتها الدكتوره اليوم

Anonymous said...

في أمور ما تتبيض لا بسؤال كلوركسي و لا تصويت ديتولي



التذبذب معناته.. الإنسان ما تحركه قناعاته



بإختصار نمشي على



الجمهور عايز كده مره

و الريس عايز كده مليون مرة

جبريت said...

قلت لك انا مراهن عليها بالشي هذا ولا انها احبطتني باستجواب الرئيس بس بالداخليه مراهن عليها

الدســتور said...

nanonano :

اي والله

الدســتور said...

insanah :

الوقوف بجانب الحق
مهما كانت دوافع الحق
فنحن نتبعه دون تتبع أسبابه

الدســتور said...

جبريت :

يا خبرة يا انت

kuwaiti_cool said...

مساء الخير
العزيز بوالدستور

الوحيد فيهم اللي صدمني صالح الملا بدايته كانت زينه وأدائه كان مميز

اما الباجي متوقعلهم منزمان وتعودنا على ان النواب اللي يمثلون التحالف يتبرون منه باللحظه الحاسمه
ويرد يتبناهم بالانتخابات
وبنشوف وقت الانتخابات عقب اربع سنين
اذا الله احيانا بذكرك


مبارك عليك المطر

ولاّدة سابقاً ... رانيا السعد ...رانية المنيفي حسب الأوراق الرسمية said...

أضم صدمتي لصدمة الزملاء إلا أنها صدمة حميدة ولله الحمد

جبريت
يوم انك تدري عنها ليش ما ونّستنا..خليتنا ظانين ظن السوء
:))))
بعد تسريبات اجتماع التحالف قمنا نغلي من الحرّة كان برّدت على قلوبنا وقلت أن الموقف مع الرئيس ضد الوزير كان هانت علينا

كويتي شعبي said...

أسيل أثبتت جدارتها و أحرجت زملائها

الدســتور said...

kuwaiti_cool :

صالح طلع خدعة

الدســتور said...

ولادة :
شفيج شبيتي على جبريت
:))
قالج تخمين ترى مو صج
ومشت معاه

الدســتور said...

الشعبي :

اي والله أحرجتهم

أهل شرق said...

التحالف الوطني عطانا طراق ما ينسي ،، تحدينا الناس وراهنا عليهم لكن للاسف اخذلونا

وبالنسبة للدكتورة أسيل أتمنى انها تثبت على مواقفها لانها الامل الاخير

هل كيف said...

والله ضربة معلم يا أسيل
الصراحة صدمتنا

عسى الله يثبتها

أما بوصلوح فصاير تابع لبوعلي
يمين يمين يسار يسار

اعنبوك ماصارلك 24 ساعة قايل: لنا وقفة غدا بطرح الثقة !
صدقني الحين بيمشي علينا ان الامتناع مو معناه اني مع الوزير
مع ان طرح الثقة يحتاج 25 يعني الامتناع مثل الرفض تماما

على فكرة مو هذا صالح نفسه اللي كان يقول لنا أيام الاستجواب السابق (شلون أسيل تمتنع؟ يا مع يا ضد)؟
سبحان مغير الاحوال

أما حسن فخذها مني : محمود حيدر عامل عمايلو ، مسكين مو بيده انت ليش قاسي ؟ انتوا مشكلة يا الدستوريين الجدد

على طاري الدستوريين الجدد .. بو عدول ليش محد ياب طاريه ؟؟؟!!!!

على الدنيا السلام
وتحياتي

ولد الديرة said...

I told you so

I told you so

Don't forget I told you so

من قالوا يرد الروح قلت استغفر الله شنو سيدنا عيسى نازل؟

:p

الدســتور said...

أهل شرق :

أتمنى ذلك

الدســتور said...

هل كيف :

اي والله اصدمتنا

ابرك من الباجي الف مرة

الدســتور said...

ولد الديرة :

:)))