حـــسافة على صوتي لــك والله
اذا القلاف يدري انت مع منو بتصوت
أشـــره عليك شكو
بس تدري شــلون بغير وعدي لأحد مقربينك
وبكتب بوست خاص عن أعمالك الجليلة
أمـــا أنت يا بولنا موقف باجر بطرح الثقه
قلناها من زمان الأمــر مو بيدك
حسافة عليك وحسافة على المنبر اللي انت منه
لكن تدري شــلون أذا ناديت المدونين مرة ثانية
لا أدق على الطب النفسي وأسحب اللي فيه كلهم وقطهم عندك بالديوانية
يا حبيبي يا دكتور وانت الله يسامحك كله تحاتي عدنان عبدالصمد وربعه
عسى ماكلموك قمت اتلافت يمين ويسار
شفيك ماعندك ثقه بنفسك
انت عضو من 96 وليلحين تمشي يم الساس
هلا وغلا بالدكتورة
والله العظيم إنج تشرفين الكرسي الي انت فيه
كــل الكلمات ماتوفيلج الحق
لكن اللي نبيه منج ثبات الموقف
20 comments:
شوف اللي صدمني اليوم اسيل
يعني لا تقولي مرزوق و العنجري و الملا
لا خالصين منهم و كنت متوقع هالشي
الا صج شخبار الدويسان
Enter-Q8 :
أي والله أصدمتني
فيصل الدويسان
الظاهر كلموه بعيد الفاصل
بيضتها الدكتوره اليوم
في أمور ما تتبيض لا بسؤال كلوركسي و لا تصويت ديتولي
التذبذب معناته.. الإنسان ما تحركه قناعاته
بإختصار نمشي على
الجمهور عايز كده مره
و الريس عايز كده مليون مرة
قلت لك انا مراهن عليها بالشي هذا ولا انها احبطتني باستجواب الرئيس بس بالداخليه مراهن عليها
nanonano :
اي والله
insanah :
الوقوف بجانب الحق
مهما كانت دوافع الحق
فنحن نتبعه دون تتبع أسبابه
جبريت :
يا خبرة يا انت
مساء الخير
العزيز بوالدستور
الوحيد فيهم اللي صدمني صالح الملا بدايته كانت زينه وأدائه كان مميز
اما الباجي متوقعلهم منزمان وتعودنا على ان النواب اللي يمثلون التحالف يتبرون منه باللحظه الحاسمه
ويرد يتبناهم بالانتخابات
وبنشوف وقت الانتخابات عقب اربع سنين
اذا الله احيانا بذكرك
مبارك عليك المطر
أضم صدمتي لصدمة الزملاء إلا أنها صدمة حميدة ولله الحمد
جبريت
يوم انك تدري عنها ليش ما ونّستنا..خليتنا ظانين ظن السوء
:))))
بعد تسريبات اجتماع التحالف قمنا نغلي من الحرّة كان برّدت على قلوبنا وقلت أن الموقف مع الرئيس ضد الوزير كان هانت علينا
أسيل أثبتت جدارتها و أحرجت زملائها
kuwaiti_cool :
صالح طلع خدعة
ولادة :
شفيج شبيتي على جبريت
:))
قالج تخمين ترى مو صج
ومشت معاه
الشعبي :
اي والله أحرجتهم
التحالف الوطني عطانا طراق ما ينسي ،، تحدينا الناس وراهنا عليهم لكن للاسف اخذلونا
وبالنسبة للدكتورة أسيل أتمنى انها تثبت على مواقفها لانها الامل الاخير
والله ضربة معلم يا أسيل
الصراحة صدمتنا
عسى الله يثبتها
أما بوصلوح فصاير تابع لبوعلي
يمين يمين يسار يسار
اعنبوك ماصارلك 24 ساعة قايل: لنا وقفة غدا بطرح الثقة !
صدقني الحين بيمشي علينا ان الامتناع مو معناه اني مع الوزير
مع ان طرح الثقة يحتاج 25 يعني الامتناع مثل الرفض تماما
على فكرة مو هذا صالح نفسه اللي كان يقول لنا أيام الاستجواب السابق (شلون أسيل تمتنع؟ يا مع يا ضد)؟
سبحان مغير الاحوال
أما حسن فخذها مني : محمود حيدر عامل عمايلو ، مسكين مو بيده انت ليش قاسي ؟ انتوا مشكلة يا الدستوريين الجدد
على طاري الدستوريين الجدد .. بو عدول ليش محد ياب طاريه ؟؟؟!!!!
على الدنيا السلام
وتحياتي
I told you so
I told you so
Don't forget I told you so
من قالوا يرد الروح قلت استغفر الله شنو سيدنا عيسى نازل؟
:p
أهل شرق :
أتمنى ذلك
هل كيف :
اي والله اصدمتنا
ابرك من الباجي الف مرة
ولد الديرة :
:)))
Post a Comment