بالأمس قالوا عندنا وحدة وطنية
بالأمس قالوا عندنا مناهجنا وحدة
بالأمس قالوا لا فرق بين السنة والشيعة
بالأمس كلنا نقول إحنا كويتيين
بالأمس نكره الشخص إذا تكلم بالطائفية
و اليـــــــــــــــوم
مو ناقصنا إلا لوحات سيارات جديدة بس
22 comments:
ينفع ادرس فيها ؟
هذي وين صايرة ؟
مرخصة ولا لقوا لهم بيت وقلبوه مدرسة ؟
As YoU LiKE :
منطقة السرة
بس شكلها مرخصة
لا وأبشرك بيت قالبينه
بيت قالبينه!!؟؟
هههههههه
مرخص ولا مو مرخص
kuwaitawy :
مادري
بس بسأل
؟؟؟
مادة - 35
حرية الاعتقاد مطلقة، وتحمي الدولة حرية القيام بشعائر
الأديان طبقا للعادات المرعية, علي إلا يخل ذلك بالنظام العام أو ينافي الآداب
أخي العزيز ابو الدستور
هل تعتقد أن الكويتي إذا أضاف أبناءه إلى المدرسه الهندية أو الباكستانية أو البريطانية أو الأمريكية قد أخل بالوحدة الوطنية أو فتح طريقاً يكون الولاء به غير كويتي؟
هذه مدرسة كأي مدرسة أخرى .. الاختلاف فيها فقط بتدريس الفقه الإثنى عشري وهو مذهب معترف به في الدولة وإلا كيف تفسر وجود محكمة خاصة بهذا المذهب وتسمى بالمحكمة الجعفرية؟؟
أخي الكريم
لا أعلم ما دخل الوحدة الوطنية بدراسة الفقه الخاص بمذهبك الذي تدين به والذي تعترف به دولتك .. إلا إذا كان ما تقصد أن السلام الوطني الذي يهتف له الدارسون في هذه المدارس هو لدولة غير الكويت
مادري متى نخلص من هالمواضيع اللي بس تفرق وتفتح مجال استهزاء وسخرية وانتقاص من حقوق مواطنين حالهم من حال الباجي
ZooZ "3grbgr :
اختي قرار انشاء المحكمة اداري من المجلس الأعلى للقضاء وهناك قضايا تم الفصل فيها من قبل المحاكم السنية
واذا تبين الحكم عندي
:)
الهدف من البوست مو عن تدريس المادة أو غيرها
هناك العديد من المراجع يستطيع أي شخص ان يلجأ لها
ولكن الهدف منه الوحدة الوطنية ليش انعلم عيالنا ان في خلاف
نبيهم يتعلمون انهم كويتيين ودينهم الاسلام والامور الثانية يستطيعيون ان يتعلمونها من أي مصدر آخر
كفاية بس كفاية
نبي نرد مثل أول
والله ان في ناس عقب ماتخرجت من الثانوية عرفت انهم شيعو وبس بالعزا
لا وماخليناهم وقعدت وياهم بالحسينية 3 ايام
ولا حسيت ان في فرق بينا
يبا احنا كويتيين أخوة
صورة أبلغ من ألف كلمة ..
آنا معاك
ليش انعلم عيالنا ان في خلاف
نبيهم يتعلمون انهم كويتيين ودينهم الاسلام
ومنو قالك كل الشيعة يدخلون عيالهم المدارس هذي الاغلبيه العظمى منهم بالمدارس الحكومية أو الخاصة الأجنبية
هذي المدارس للي يبي يدرس عياله فيها فقه شيعي اضافي
وصدقني اذا تتكلم عن الفرق والله اني تربيت في بيت ما عمري شفت فيه فرق بين شيعي وسني اخوان وصداقة واهل وعزوه لبعض ومحد يقصر على الثاني هذي شيم اهل الكويت بس اللي يضايق ان نفتح المجال حق مواضيع جذي تفرق بين وحده وصديقتها لما كل وحده منهم تحتاج تاخذ موقف .. ليش من الاساس نتكلم فيهم ونخلي الناس يتكلمون فيهم طول عمرنا ربعنا واهلنا سنه وما نناقش هالامور
ZooZ "3grbgr :
الهدف منها مثل ماقلت
نزيل كل هالرواسب اللي قاعد تطلع
:)
JiBLa CiTY :
تقدر تقول
أبو الدستور عزيزي اليوم كل شي بالكويت متلخبط..ما كو شي بأيدنا..خل نفكر شلون نخلي
باجر راح يصير عندنا وحدة وطنية
باجر راح يصير عندنا مناهجنا وحدة
باجر ما راح يصير فرق بين السنة والشيعة
باجر كلنا راح نقول إحنا كويتيين
باجر راح نكره الشخص إذا تكلم بالطائفية
:) تحياتي
nanonano :
باجر
؟؟؟
ايه الله يحييينا
الوحدة الوطنية
سؤال صعب
بغض النظر عن المثال
لكن فعلا ابصبحت هذه الكلمتان تتردد بقوة و اكثر من مره
شنو السبب
Enter-Q8
اسأل جريدة الوطن
المدرسة كبيرة مو بيت مقلوب
ومافي مشكلة مع الدراسة الدينية لكن المشكلة ان كانت هذه النوعية من الدراسة مفروضة على الجميع
اللي اعرفه انها حق المعرفية و ترى موجودة من زمان اعتقد كانت في حولي و الظاهر غيروا مكانها ؟؟
حـمد :
مانبي شي مفروض على الجميع
نبي اللي ينفرض حب الكويت وتعاليم اسلامنا
أما الباقي يتعلمونه بره المدرسة ومن مصادر أخرى
بس :
مادري
الله يحفظ هالديره
أخي العزيز أنا أشوف نفس ما إحنه نطالب بحرية الإختيار من ناحية التعليم ما في مشكله لو في واحد يبي إدخل إعياله هل المدرسه
الفكره مبدأ الحريه بالإختيار ودمتم
حياك المدونه موضوع يديد مطروح وممتع
Peace
اي والله
:)
احمد سالم
انزورك عيني
ليش لأ
:)
I attended this school for ten years before I transferred to a government high school, I didn't see any difference except we read Quran and did duaa for our celebrations whereas in our governemt school we did dances and plays.. (Plus deen class was slightly different..)
So can you please help me understand your point?
Is this school somehow creating a divide between Kuwaitis?
Or is it a shining example of how close we are to truly being able to co-exist in Kuwait as two different sects of the same wonderful religion?
teagirl :
أختنا العزيزة
النقطة التي كنت بوصلها قلتها للاخوان اللي قبلج
شوفي الردود أعلاه وبتعرفين قصدي
:)
Post a Comment