Saturday, October 11, 2008

كبر الجمجمة و دوْر الدماغ


قرأت تصريح رئيس الوزراء وبجانبي و واحد من الربع
طفرت و ضحكت و تنرفزت و بجيت في آن واحد



لاحظ صديقي هذا الشعور وقال ها عسى بيطيح القروض
قلتله لا يامعود يقول بفضل رجعته الميمونة صعد السوق

رد علي رد غريب
يامعود كبر G
و دوْر D


شلون يعني مافهمت
أشرحها لك
يعني الجمجمة G
يعني الدماغ D

أهــــــــا يعني لا تدقق بالسالفة

عليك نور

شلون تبيني أكبر الجمجمة وأدور الدماغ
إذا الريال يقص علينا وبنفس اليوم
أسواق الخليج كلها صاعدة
يعني بيفهمنا أن دول الخليج كلها على الله وعلى ناصر المحمد

وإذا كل تصريح بيقوله وبتدقق عليه ما راح تخلص

طيب والناس المرتفع ضغطها


يامعود باجر بينسون

مثل ما سوى سالفة الدوائر الخمس وحل المجلس علشانها
وبالأخير وافق عليها بالإجماع

ومثل ما حلْ المجلس على الخمسين والقروض
وبالأخير وافق عليها وهم بالإجماع


كلامك منطقي بــــــس
شلون أكبر الجمجمة والدولة لاهي رأسمالية ولا اشتراكية
شلون أكبر الجمجمة والدولة تسيطر على 9 % من الأراضي
شلون أكبر الجمجمة والزحمة المرورية بازدياد
شلون أكبر الجمجمة والدولة رافضة الخصخصة
شلون أكبر الجمجمة والدولة تشجع الاحتكار
شلون أكبر الجمجمة والدولة تسيطر على الاقتصاد
شلون أكبر الجمجمة والدولة تهدد الديمقراطية بالحلْ
شلون أكبر الجمجمة والدولة تنخر بالفساد
شلون أكبر الجمجمة و الرياضة مهددة بالإيقاف

شلون شلون
كل هذا وتبيني أكبر الجمجمة وأدوْر الدماغ

حرام عليك

ملاحظة أخير :
مقالة رائعة للأستاذ محمد عبد القادر الجاسم تختصر الكلام

13 comments:

why me said...

اي والله شلون شلووون ؟؟؟؟؟؟

Blog 3amty said...

إذا أعرضوا على صاحبك يكون رئيس مجلس الوزراء راح يوافق ولا راح يعطيك نظام

GD

:P

الدســتور said...

why me :
شلون ؟؟؟

Blog 3amty:
ماراح يوافق أبشرك

nanonano said...

أنا لما سمعت هالجمله في فيلم مرجان أحمد مرجان وايد ضحكت عليها..بس الحين و أنا أقراها عوّرني قلبي

أحنا شنو اللي مودينا لي ورا

غير موديل كبر الجمجمه و دور الدماغ
والله ما يصير
ما يصير أنتكتّر و نخليهم يعيثون بالأرض فسادا
لأن أنا شخصيا مالي غير الكويت ما عندي أرصده بالبنوك برّه
و لا عندي فلل و شقق خارج الكويت
و بيني و بينك خريجة جامعة الكويت..يعني مالي أمل ألاقي شغل بره
و فوق هذا أنا أموت على الكويت فما أقدر أعيش بره عشان جذي يهمني أني أحاول أني أصلح الأخطاء

و بعدين سياسة كر الجمجه هذا اللي يبيونه فليش أنسهل المهمه عليهم

ZooZ "3grbgr" said...

إجراءاتنا أنعشت البورصة

معلش

بس أعادت الثقة إلى المتعاملين

إزاي بئــــــــه


يعني صناديقم وفلوسهم اللي شرت بالبورصة وخلت المؤشر أخضر شلون لحقوا يعرفون رجعت الثقة؟؟؟؟
على يوم واحد بس؟؟؟

As YoU LiKE said...

كنت ادور التصريح عشان احطه ببوستي

يقولك طقة الجرس بنيونيورك أثرت على بورصتنا مما أدى الى اخضرارها :)

بعدين كبر الجي وروء الدي

مش دور الدي

فريج سعود said...

كبر لان غيرك مكبرين ال
M
و
K

enter-q8 said...

بسيطة
صغر الجمجمه

اذا نسب الفضل لأجراءات الحكومة

ما ادري مقصه احنا و الا شنو
منو اللي قص اجازته و لحق على البلد
صاحب السمو و الا رئيس الحكومة

قهرني فعلا هالتصريح

الدســتور said...

nanonano
كلنا محترقين وأهما ولا على البال


ZooZ "3grbgr
مو عبالهم مدمغين


As YoU LiKE
شدراك
انت اللي قايل ولا صاحبي
:)


فريج سعود
يا الله صباح خير



Enter-Q8
رفع ضغطنا

JiBLa CiTY said...

اشتري دماغك يا عم
:)

الدســتور said...

JiBLa CiTY :
طلعت من ربع كبر الجي
:)

Eng_Q8 said...

طفرت و ضحكت و تنرفزت و بجيت في آن واحد

ما الومك

اهم يا يبون ايننونا يا يبونا ننتحر وحده من الثنتين

الدســتور said...

Eng_Q8 :
خلاص انتهينا
:)