Monday, October 13, 2008

أوقف يا قليل الأدب

في إحدى حلقات طاش ما طاش
شاب يشفط بسيارته في إحدى الفرجان
والدوريات تلاحقه وبالميكرفون العالي تناديه

وقف يا قليل الأدب
وقف يا قليل الأدب


وبعد ملاحقة مثيرة وقف الشاب المستهتر
وسأله العسكري : أنت ليه ما توقف
رد عليه :
كل مرة تقوليلي نفس الجملة
ومحد عاقبني


تماما هذا ما ينطبق على ناصر الدويلة
في كل مرة يتحفنا بتصريحاته

ولا أحد قادر يوقفه عند حده


استهزأ بأعضاء الحكومة وبشهاداتهم

وطالب بدمج البنوك الكويتية مع السعودية

ومع التخاذل اللي بنشوفه والتساهل بموقفه

أطالب بيت التمويل الكويتي لأن مستحيل راتبه على الوطني

أن يحول راتبه على الراجحي أو بنك الرياض فورا

ويمنع من دخول صالات البنوك

ولا أحد يرد على سلامه

وإذا شفتوه بعرس لبسوه وجنكم ما شفتوه

و أطالب باقر بما إنه سماه بالصيدلي

ويعتقد بأنها عيبه أن يعطيه مضاد حيوي
يدخله بغيبوبه الا أن تتم الوحدة مع السعودية

17 comments:

why me said...

يا قوي


:)

abu eldestor said...

why me :
شكرا
من ذوقج

Enter-Q8 said...

ههههههه
حسبي الله على ابليسك
مت من الضحك على هالفقرة

ويمنع من دخول صالات البنوك

ولا أحد يرد على سلامه

وإذا شفتوه بعرس لبسوه وجنكم ما شفتوه

تدري لو انه ساكت عند فقرة تشكيل هيئة اقتصادية و وصف الوزراء عادي جدا
و نقول له رؤيته من خلال ان هؤلاء فعلا مو اقتصاديين و شهادتهم ماهي عيبة و لكن التخصص مطلوب
لكن ما يعقل هالدويلة
سيده ناقض نفسه و صار اقتصادي و اهو عسكري
اشلون اللي يناقض نفسه
هذا اهو
يقولك ان اهو واخوانه يتراهنون منو اللي يصرح اكثر
سواءا بنتيجة او بدون نتيجة

As YoU LiKE said...

والله متعب عمرك ..

هذا مال تعطيه طاف ولا تهتم للي يقوله ..

يخرب بيته .. مرة عسكري مرة اقتصادي مرة جمبازي !

nanonano said...

أنا باعرف الناذب الفاضل ناصر الدويله ما عنده لجان ما عنده مشاريع قوانين لازم تراجع...الأخ ماله سالفه الا يصرح...عاد لك الله عن ذيج التصريحات..الحين قمت أخاف أفتح الحنفيه يطلع لي تصريح حقه

و بعدين ما أدري أذا شفتو لقائه في تو الليل بذكرى وفاة الشيخ سالم الصباح..لما قال أن المرحوم لما دق على والدة ناصر دويله و سألها عنه..قالها وين ولدج الخبل...أنا طارت بوهتي..لهالدرجه ما عندك احترام حق نفسك

kuwaitawy said...

انت ليش ما توقف ؟؟؟

Eng_Q8 said...

هده خله يتحدى اهو لي الحين مندقر من سالفة النحشه بالغزو .. اهو والا اخوه ؟؟

Kuwait said...

ماشاء الله هذا في جميع المجالات فاهم وعلى جميع الأصعده شغال <-- تعبانه على ما لقيت الأصعده ;p

abu eldestor said...

Enter-Q8
هذا مجلس 2008
الله يسامح من كان السبب


As YoU LiKE

باط جبدي
ما أقدر


nanonano
اي شفته
ماعلى الخبل شرهه

abu eldestor said...

kuwaitawy :
أوقف شنو ؟؟؟

Eng_Q8 :
الله يافي السوبر الأحمر


Kuwait :
صك على الدقباسي

mantovani said...

بعد هذي العملية الديمقراطية
ساعات تفرز لك نوعيات غريبة

لكن مضطرين نتقبل وجودها

مانتوفاني

abu eldestor said...

mantovani :
قصدك الفرعية

JiBLa CiTY said...

لاتداحر الريال كان من أبطال أم المعارك
:)

abu eldestor said...

JiBLa CiTY :
من أبطال النحــــشة

Mishari said...

الدويلة لازم يسونله برواز وتمثال
وعلم فوق بيته

abu eldestor said...

Mishari :
مبارك الكبير هذا مو ناصر الدويلة

صامدة أيام الغزو said...

لاتداحر الريال كان من أبطال أم المعارك

ههههههههه