كثيرا مانسمع في هذه الأيام أنه وبناء على رغية الربع بالديوانية واصرار الأهالي قررت أن أن أترشح لمجلس الأمة و طبعا بعد الانتخابات الجملة تتغير وتكون بناء على رغبة الربع قررت أطيــح العشـــا
لكن و بما أن شعبنا صاحب موقـــه وعلينا طلعات و شطحات مو طبيعية وإضافه الى ماسبق يجب علينا مواكبة عام 2009 و مواكبة العولمة و الازمة الاقتصادية العالمية
قرروا بعض المرشحين الخيبة تغيير معنى الرغبة من الربع الى مصطلح جديد وهو البلد يناديني
لكن و بما أن شعبنا صاحب موقـــه وعلينا طلعات و شطحات مو طبيعية وإضافه الى ماسبق يجب علينا مواكبة عام 2009 و مواكبة العولمة و الازمة الاقتصادية العالمية
قرروا بعض المرشحين الخيبة تغيير معنى الرغبة من الربع الى مصطلح جديد وهو البلد يناديني
يا راجـــــــــــل
البلد مرة وحــــدة
شنو أنت مهــــــــم لهالدرجة
يا أخـــي خنقتني العبـــرة و أنا أقرأ كلمتك وللمرة الأولى أحــس ان في كلمات كويتية جمبازية تذكرني بالماضي الجميل والاحلام الوريدية لعبدالناصر والايام الملاح مع العلم بأني ماعشتها لكن حقيقة تعيشك بالنزعه الوطنية والقومية العربية
مرشحنا التحالفي السابق و المستقل حاليا والى الابد انشاءالله عن الجمبـــزة و لعب الثلاث ورقات معانا فمواقفك داخل المجلس اذا يابتلك 20 صوت اشيل سكسوكتي العزيزة علي
67 comments:
صج الوزير السلامة يصير نسيبه ؟؟؟
أخي قسما بالله أن الراشد لم تكن لديه النية للترشح بالمره
هناك الكثير من ضغط على علي الراشد لا وأزيدك من الشعر بيت الراشد لم يكن بالكويت وهناك من ذهب لبيروت للحديث معه ولغاية أمس الأول بالليل كانت هناك نواب سابقين يتحدثون معه ويصرون عليه
الراشد ما كان يجمبز مثل ما تكرمت
أنا ما أدافع عن الراشد أنا أتحدث عن حقيقة اعرفها جيدا مثلا أعرف أن قلمك يا أخي لا يرتضي تهما وتصنيف حتى أنك تجمبز شخص والموضوع ليس صحيح
نعم جميعا تحدث مع الراشد وكثير من الشخصيات خاطبته وكان اختصار حديثنا لعلي الراشد
شنو ذنب الكويت إاذا أنت وغيرك من الشرفاء تخلى عنها
أذا الراشد لم يجمبز على حد قولك
شكرا
Yang :
يقولون والله اعلم
هذيان :
بالذمة ماتشوف ان على الراشد انقلب عقب سالفة انتخابات نائب الرئيس .. هذا اولا
ثانيا : راجع مواقفه و تصريحاته في 7 شهور
صدقني ما تميزه ان كان على الراشد ام صالح عاشور
مع العلم بأنني ولاسف أقولها ان في السابق مصوتله
بو الدستور والله هم انا البلد تناديني بس اخاف ادفع الخمسين مالت الترشيح تنقص علي فلوس الحليب والحفاظات مالت الصغير
للحين ما لقيت احد من الربع يدفع الخمسين علشان انزل
و الربع تكفلولي بمقر خيام المخيم مالهم
يعني جاهز علشان البلد بس اللي معطلني الخمسين
Yang
الوزير بن سلامة مو نسيبه الا ولد خالته بعد
بس للأمانة بو أحمد من زمان بالمواصلات و كان وكيل مساعد و كذلك مسك الاتصالات الوطنية ببدايتها
Enter-Q8 :
البلد اللي كبرتك وعلمتك
مو عيزانه انها تدفعلك الخمسين
Enter-Q8 :
بو وليد
انت شغال بالمواليد ولا بالكويتية
:))
الاخ للامانه بن سلامة الى الان جهده طيب
واتمنى اعادة توزيره
اللي بالجدر يطلعه الملاس !!?
ماكو شي يخفى بالكويت وفعلا علي الراشد مو هو الاولي !!
شهر ٧ بعد الانتخابات مباشرة يسقط بالتصويت على أمانة السر
شهر ١٠ ينجح بالتصويت على أمانة السر
المصوتين ما تغيروا ، عيل شنو اللي تغير ؟
تحياتي
تصريح غير موفق بطاطا
حاولت الاقي اي انتقاد منطقي بموضوعك مالقيت .
اسلوب طرحك للموضوع يدل على شخصانيتك بالأنتقاد لا أكثر
نعم الكويت تنادي الراشد وتنادي كل الشرفاء والعقلانيين من أمثاله
اذكرلي موقف واحد ماتشوفه من صالح البلد او أصمت
اما التحلطم وكأنك قاعد بقهوه بدون أي اسس منطقية او حتى جمله نقدر نناقشك فيها فأن دل فهو يدل على ضعف حجتك وصحة موقف الراشد
واذا ماعندك سالفه قول ما أحبه وخلاص
اما نقطة امانة السر فشوف منو اللي مرشح ضده وشوف منو كان ضده بنائب الرئيس .
كفته ترجح بالتأكيد على كفة دميثير اللي ماله مجموعه يسيرها . بعكس السلطان واللميع اللي كل واحد وراه كتله تدعمه
لاتخلط الحابل بالنابل يالحبيب
انت ما شفت النسخة المعدله اللي اخترعها الخرافي؟
"مجاميع شعبية تزور الخرافي لحثه على الترشح"
لا ومكتوبه كالخبر في جريدة الأنباء يعني مو هو
مارتن لوثر كنج مو عراب المجلس الوثني
ومن أكبر فاسدين البلد
والراشد خلك من الكويت تناديني مالته
نبي رد على وقفته الغير مضبوطه بوجه خطر الحل الغير دستوري وتصريحاته النص كم
bo bader :
اي وايد شغلات تغيرت
:))
ma6goog :
اهوا بس التصريح
الترشيح بكبره مو موفق
الشق عود:
هههههههههههه
و ليش معصب
تبيني امسح جوخ و اباركله
بالنزول
طيب تقدر تفسرلي معارضته الدائمة لاستجواب الرئيس شنو تفسيرها
اذا كنت مدافع عن الدستور وخوفك على الديموقراطية انصح رئيس الحكومة لصعود المنصه اما طلعته البهية بكل القنوات ومنافسه ناصر الدويلة بحبه للحكومة
راجع المواقف ولاتقعد تتفلسف علي
واذا موعاجبك الراي ماتشوف شر
الشق عود :
اي وشوف الحكومة صوتت معاه بأي من المرات
كويــتي لايــعه كبــده :
خلهم يسمعون المدافعين عنه
الراشد من أول يوم يالمجلس السابق وهو يطالب بمنح اي حكومة جديده سنه للعمل وبعدها المحاسبه
اما استجواب قبل حتى لاتتشكل اي حكومه فهو مثال صارخ للتعسف وهذا اللي كلنا نتجنبه وهو استخدام الدستور لغايات شخصيه بغرض كسب البطوله والضحك على الناخبين المسيرين امثالك اللي عندهم بورمية او البراك وغيرهم هم ضمائر الأمة
وأذا كان بنظرك استجواب هايف او الطبطبائي او برغش هو استجواب مستحق فألله يعين البلد من هالنوعيه من الناخبين
مو معصب بس هذا رايي بموضوعك
اهم شي ان الكويت تناديه الاخ يبي يصير حمد اليوعان الظاهر
انا بعرف يعني مواقفه ماصارلها شهر امدى الناس تنسى ؟؟
جمبازي ونص
الشق عود
مداخله ترى ماكو انسان ملاك
بس علي الراشد وايد صار ملائكي
خصوصا مع قرض مروزق و الدفاع المستميت
و هالكلام قلناه بوجه مو بالتدوين
eng
أبي موقف واحد للراشد يختلف عن موقف صاحبك صالح الملا
واذا يبتلي موقف واحد غير آنا اعتذرلك وأنسحب
عزيزي انتر
القرض العادل كان يحضى بقبول العديد من النواب
منهم الغانم الراشد الملا الرومي العبدالجادر المليفي
بس باجي النواب صوره بشكل خاط لكي لايتم نزع البطوله منهم في موضوع اسقاط القروض
الشق عود :
بورمية و البراك
اقرأ البلوق عدل بعدين تعال ناقشني
واذا دفاعك عن الراشد دودهك
و ماتعرف تصف الكلام
انا اقول الله يعين على الراشد على مناديبه اللي مثلك
Eng_Q8 :
جمبازي بو طير بعد
ادافع عن موقف نائب اثق فيه ومقتنع فيه صرت مندوب !!!؟؟
يعني يا أقولك انت صح وانت ابو وعم الدستور عشان اطلع مو مندوب !!؟؟
ياخي ناقشني بالمنطق وبالحجه أو سكر مدونتك وافتح موقع نفس طلبات احسنلك
معليش الشق عود
اخوي خذها مني لا المليفي و لا الملا أيدوه
واذا ناسي مع حمد قلم مع مرزوق قرض
مو من فراغ
فرجاء انت تدري اني اخذ العلم من الراس نفسه
بعدين ما ادري اشلون تحط اسماء اثنين مع الباقي يعني وايد الله يهداك
مرزوق و علي اهم اللي اعلنوا المشروع مال ثقافة قروض المواطنيين
عزيزي انتر
بما انك على معرفه شخصيه بالملا فياريت تسأله عن رايه الشخصي بهالقانون وانا اثق فيك تماما بأنك راح تنقلي رده بدون شك
المشروع قدموه ثلاثه بالبدايه
الغانم الراشد والعبدالجادر اللي يمثل المنبر بالمجلس مع الملا
يعني مايصير الملا رايه غير والعبدالجادر غير
عيل المنبر شنو رايه .. ممتنع !!؟
الشق عود :
ههههههه
تنكت يا الحبيب
رايك المفروض تقوله و تسكت
و ماتتطنز على الاخرين
والكل له وجهة نظر و عليك احترامها
ولا تخليني انزل اكثر من جذي
Enter-Q8 :
حتى لو كان المجلس كله مع القرض
ماينفع التبرير
عليه بتبرير موقفه وماله شغل بالباباجي
ابو الدستور
انا تطنزت ّ!!؟؟
الله يهداك بس
انتر
يبرر موقفه من القرض العادل قصدك ؟
ووين الغلط بموقفه عشان يبرره ؟؟
لقد قام بشرح القانون بديوانه اكثر من مره وآنا واحد من الناس اللي ماكنت مقتنع بالأقتراح بس لما سمعته بالتفصيل غيرت رايي
وانا مستعد اني اخذ منه مسوده من الاقتراح وتفصيلاته وأبعثه لك برسم الخدمه
انت بس آمر
تفرع الموضوع شكله
عالعموم انا اعتقد اني رديت بكل وضوح ووفيت وكفيت ولو ان الموضوع مايستحق حتى اني اشارك فيه بس حبيت اني اوضح لبعض المتابعين بعض اللغط اللي حاصل ومابي ادخل في حوار عقيم مع صاحب المدونه اللي اكنله كل احترام وتقدير
وسامحوني اذا طولت بالردود
وهو صاج الكويت تناديه
بس
علشان يتبرع بدمه
دستورنا لا اتعور قلبك انت و بو وليد
و اسمحلي دستورنا اني ارد على الشق عود
اخي العزيز صالح الملا مو موافق على المشروع من وين يبت الكلام؟ و الا بس تبي اتهاجم و بس !!
يا اخي و الله ذابحكم الملا ان يابو طاري حدس ضربتوه و ان يابوا طاري التحالف و المنبر ضربتوه و ان يابو طاري السلف ضربتوه !!
اشوف بس احنا اللي ناكل ابعض و انتف بعض اشوف اللي خبري خبرك يسترون و يدافعون عن بعض بالغلط ... ما اتيوزوووون!!
اسفه دستورنا على الاطاله بس كان في قلبي حجي للشق عود و قلته.
ملاحظه لصاحب المدونه
تأكد ياعزيزي اني كنت ولازلت متابع لمدونتكم لما فيها من حس وطني والدليل مواضيعك اللي دايم اتابعها واعجب فيها
ولكن الاختلاف بالرأي لايفسد بالود قضيه
واعتذر عن أي كلمه ذكرتها ولم تروقلك
وتقبل مني فائق الأحترام والتقدير
اخ جونا
مابي اطول بالردود
بس انا اقس موقف الملا من قياسي لموقف العبدالجادر لأنهم يمثلون نفس الحزب وهو المنبر
اما بخصوص الملا فتأكد يالغالي بأن الملا هو اختياري الأول وهو من النواب اللي يشرفنا وجودهم بالمجلس وأفتخر بأنه كان ولازال اختياري الأول لأنه رجل من الزمن الجميل كما هو الحال بالنسبه لي الراشد
والله يكثر من أمثاله
تحياتي
الشق عود
عندك رقم صالح الملا و عندك تصاريحه موقف عبدالجادر غير و الملا غير
و الملا قدم اقتراح يعالج مشكلة القروض مو اقتراح زرع ثقافة القروض
و اقتراحه اهو اسقاط الفوائد المتراكمه و اللي كانت بغياب المركزي لأن الحكومة اهي كانت مساهمه فيها و تفاصيله اكثر
اما دكتور الزقازيق فا ياليته سال احد من الاقتصاديين قبل لا يوقع عمياني
بو الدستور شكله موضوعك هذا صار اكثر ردود فيه
انتر
عندما يقدم الحربش مشروع فهو يشمل الحركة الدستوريه كلها
ولما السعدون يقترح اقتراح فهو يتكلم بأسم الشعبي
ولما العميري يصرح تصريح فهو يعبر عن موقف السلف
ولما العبدالجادر يوقع على أقتراح فالمفروض انه يتكلم بأسم المنبر
هذا المنطق والعقل يقول هالشي
او انكم تفصلونه عن المنبر او تفلون الحزب بكبره
الشق عود انت اشفيك الله يهداك
لا ترى مو زين جذي الله لا يهينك
عطني اذونك علشان محد يسمع
ابي صالح الملا كان نازل باسم المنبر
اي نسيت بعد عطني اذنك مره ثانية علشان محد يسمع
ابي صالح شنو موقفه من المصفاة الرابعه نفس المنبر و الا قبل المنبر و قبل ما يتكلم دكتور الزقازيق
لا يا خوي مش كده
بس بغيت اقولك معلومة وللأخوان القراء بعد
انت حاول تشوف صالح الملا وقوله خالد العتيبي هل متفق معاك
راح يقولك اكثر واحد يختلف معاي
هالمعلومة حاطها للتوضيح علشان البعض لا ياخذها اني ادافع عن بو محمد دفاع عمياني و يمكن
تكفون 102 اكبر دليل للأختلاف
معليش اخوي الشق عود
غير موفق هذه المره ابدا ابدا
يعني ماعرفت منو اللي يتكلم بأسم المنبر
صالح او محمد ؟
او اثنينهم مايمثلون المنبر ؟
معلش استحمل اخوك الصغير ونورني
اعتقد ان اى نائب عندما يرشح نفسه يقول ان بلده يناديه وشعبها ايضا لذلك قرر ان يرشح نفسه ،ولكن ايضا انا أؤمن ان هناك نواب يستحق ان الشعب يناديهم مثل الخرافى ولارى والسعدون وايضا الراشد نائب جيد ونتمنى ان دخوله المجلس القادم ..
الشق عود :
اخوي احتراما للوجهة نظرك
خليت ردودك
مع انها تقلل الاحترام لباقي الناس المخالفين لرايك
واذا كنت مدافع لعلي الراشد فاعرف اولا انني من المصوتين له في السابق
ولكن ارجع واقولك شوف تصريحاته
حتى انها تتشابه مع تصريحات الجنرال ناصر الدويلة
على العموم قلتلك من الاول هذا رايك وانا هذا رايي وماراح تقنعني
واذا ماكان عاجبك التعليق لا تعلق
خلك من اللي يؤمنون بالرأي الآخر
فريج سعود :
هههههههههههههههههه
Joonna :
اخذي راحتج
للاسف ربعنا ينادون بحرية الراي
ويكبلونه علينا
محب الكويت :
وجهة نظر احترمها
Enter-Q8 :
بو وليد
ما اعتقدت ان الكلام عن الراشد خط احمر جذي
والله ناصر المحمد ماله مدافعين جذي
للاسف هذي وجهة نظرنا والاخوان مايبون يسمعونها
بو الدستور قواك الله
أنا رايحة رادة اليوم على مدونتك أتابع النقاش :))
بس كان ناقصني حب شمسي وعلبة بيبسي
:))
نقاش شيق ووجهات نظر مختلفة
والواحد استفاد صراحة
الله يوفقك
:)))
Yin :
حياج الله
و يشرفني حضورج المدونة
@@
لا حول الله
انا اغط اشوي عن مدونتك القاها معفوسه
الحين منو يرتبها
اشفيكم شباب
كل واحد ووجهة نظر
ليش اتخانقون
يعني على سبيل المثال
انا محد عاجبني
بالمجلس
:)
فيها شي ؟؟
كل واحد ووجهت نظره
؛)
:)
؛)
اشرايك فيني وانا ارتب العفسه عندك
ابي الطف الجو
السموحه
:)
امون صح
:)
:)
الشق عود
بس موقف واحد
اوكي ولا تزعل
موقف الملا من قرض بو عشره
وبما اني قريت ردودك لا تربط صالح بمحمد العبدالجادر لان العبدالجادر اساسا كان نازل باسم التحالف مو باسم المنبر
واساسا صالح مواقفه يتخذها بروحه مو بعد مشاورة المنبر والدليل المصفاة الرابعه
عموما عندك صالح وروح سأله
---
ابو الدستور
اتصدق دقيت سكسوكتي زين انت لي الحين صامد :p
صبا :
شفتي اللوية
:)
هم اللي قلتيه وجهة نظر
تمونين .. عزيزة و غالية
Eng_Q8 :
لا تحلق السكسوكة
انطر النتايج
شباب ما شاء الله عليكم
الواحد من يغط يوم واحد
تصير هاللويه كلها؟؟
====
بلدي يناديني
هذي قصّه ثانيه
تكمله حق الموديلات اللي قاعدين نشوفها
الله يهديه خرّب على عمره !
يستضيف برنامج مجلس الأمة 2009 على قناة الراي اليوم الاربعاء الساعة العاشرة والنصف مساءا النائب السابق ومرشح الدائرة الثانية علي الراشد
البرنامج من تقديم عبدلله بوفتين
nanonano :
اي محد قالج غطي
:))
الراشد2009 :
بنشوف ماورانا شي
بس عقب مباراة ليفربول
Blog 3amty :
قلناها
طلعنا شخصانيين
و
ربع بورمية
شـــهالغبرة اللي واصله ليــه الشــارع !!؟؟
أنا قلت أبو الدستور وربعه قاعدين يخمسون في حوطة البلوق !!!ء
:)
نــــاطره تحلــــق ســـكســوكتــك
:)
DiLLi O MiLLi :
يا حبكم للشماته
:)
وانت تغط وترد تسوي سالفه عوده :)
يمكن الريال كان حلمان اي الديره تناديه يعني ماجذب ;p
ويمكن نفس مايقول فريج سعود ان مناديته الديره عشان يتبرع بدمه هم ماندري
;p
Hashemy :
وين أغـــط
هذا وانت تدري
:)
Post a Comment