Wednesday, November 5, 2008

اذا أحمد راح ترى في غيره أحمد

تعلمنا في السابق أن سبب كثرة بكاء الأطفال هو لتحقيق رغباتهم


وتعلمنا من الوالد الله يرحمه إذا بجى واحد من إخواني يخليه


ليما يسكت بروحه وكنت اردد بيني وبين نفسي ليش أبوي جذي


ولما كبرت عرفت ان اذا سكت الياهل معناته ان الوالد رضخله


وبيحقق طلباته ويسمى في هذا الوقت ضعيف شخصية و يطواعه


على كل شي يبيه وبنفس الوقت يعلم اخوانه هالطـــبع


تردد هالبكاء والصياح بس على شي ثاني وعلى شي أقوى

سحب الجناسي من عيال خلق الله

ما حصل مع ياسر صبيح أو غيره ماهنمي

الأهم عندي ليش من الأساس عطيتوه جنسية وليش

سحبتوها مدام عارفين ان تجنسيه كان قرار خاطئ

وهل الناس عندكم لعبة

كنت أتوقع بعد مسرحية مجلس الوزراء أن يتم مع


هذا القرار محاسبة لجنة الجنسية أو على الأقل


تقديم استقالة وزير الداخلية اللي ذبحنا واهوا


يدافع عن اللي جنسهم وعن ربعه بالداخلية

لـــكن اللي صار سكتم بكتكم

طيب إذا كان هذا هو مطلب أحمد المليفي

وهذا برنامجه الانتخابي ليش كل هالويه

إلا يدل ما حصل هو ضعف في إدارة الدولة

يعني بالكويتي كل هـــذا وما ترس عينكم يانواب

يعتقد البعض أن ناصر المحمد قد أنتصر

نعم ونقولها له ولغيره من المطبلين


صحف كانت أم أجهزة متلفزة

بس لا ينسى أن أحمد بوصبيح راح

لكن أحمد إلي متزهبلك ناطرك


وعلى موعده بإذن الله

وبنشوف منو اللي بيوقف معاك

10 comments:

بس said...

الله يكتب اللي فيه الخير و الصالح للكويت
:)

الدســتور said...

بس :
آمين

ZooZ "3grbgr" said...

لو تهد الياهل يبجي يتعلم يسكت روحه بروحه بس مع هذول ماكو فايده

هذول: اقتباس من ماكين لما أشار لاوباما باصبعه وقال منو بياخذ فلوسكم THAT ONE!!!

الدســتور said...

ZooZ "3grbgr :
بقى فيها فلوس
:)
راحت للبنوك وللشركات

enter-q8 said...

بو الدستور
هل الموضوع بالجناسي
اهني مربط الفرس
هل يستحقونها
هم اقولك
اهني مربط الفرس
الحكومة قالت انا باصلح
وهذي مجتي
المجلس كله وقف ضد المليفي الاعلام الحكومة كما في البداية

يعني هل تبي الاستجواب يروح المحكمة الدستورية و يصير عرف جديد

لا تنسى ان احمد المليفي اللي للأسف حتى لو تختلف معاه ما تناديه بو صبيح
احد اللي كان مقدمين الاستجواب السابق مع احمد السعدون
يا ريت بما انك تحترم احمد السعدون تساله شخصيا عن احمد المليفي

المجلس كله ضده و حصد شي من لا شيئ
و باستجواب مهدد يا بحل المجلس او يتحول المحكمة الدستورية


بعدين ما ادري شسالفتكم على اللي اسحبوا منهم الجناسي
ناس ما تستحقها
وكله جاي بالطريق و راح تشوف اسماء و بلاوي
مدام الباب انفتح انطر و شوف
ما شفنا احد تحرك من قبل اللحين المليفي صار كخه
الواحد يقص الحق من نفسه و انا اخوك

الدســتور said...

Enter-Q8 :
عسى ماشر
الظاهر قلبك متروسه
:)

شوف اخوي انا ضد اعطاء الجنسية من الاساس وهالشي منتهي منه من زمان
لكن ابيك تراجع نفسك بالاول
هل بقرارات الحكومة الاخيرة سبب تراجع المليفي
؟؟؟
المراسيم الاميرية اصبحت اللعوبة بيد مجلس الوزراء

enter-q8 said...

لا ياخوي انا الحمدلله ما اشيل بقلبي
سيده افرغ
:)

بس يا خوي ما انسف افعال كامله و اشبه الرجل اللي له مواقف مشرفه
بصبيح
هذا مربط الفرس

نعم قرارات الحكومة ساهمت بتأجيل استجواب المليفي
اكرر تأجيل
المليفي لما اعلن انه بيستجوب يا بو الدستور
كم مدونة اكتبت
اترك عنك التعليقات

و لما اجل كم مدونة اكتبت
شفت الفرق

بذمتك مو حالهم نفس حال اعضاء مجلس الامة
اللي ساكت و اللي يقول مو وقته
ولما صارت الصجية قاموا كلهم بيستجوبون

المراسيم الاميرية بتصير لعبه فعلا اذا الحكومة ما تراجعت
و هم لا تنسى ان قرار التجنيس يمر بمراحل
يكون الملف خالي
و اللي صار الكل يدري عنه
كاهو الضابط مقطوط
و غيره جاي بالطريق بعد
الواحد يا خوي يقص الحق من نفسه
و خبري فيك حقاني

الدســتور said...

Enter-Q8 :
اخونا العزيز
انا أشدت فيه عندما بينت نية الاستجواب وكتبت بوست أشيد بهالخطوة اللي كلنا نتمناها ومالي شغل بغيري اللي انا وانت عارفينهم
لكن حط في بالك ان قرار سجب الجناسي المفروض ان يصدر قرار معاه بمحاسبة المتسبب بضياع هيبة المراسيم
فبالأمس كانت شركة امانة واليوم الجناسي
ليس هكذا تدار الدولة
وان كنت سميت المليفي في البوست بوصبيح قهو سبب تركيز المليفي الدائم عليه
ولا يلام أيضا وبغض النظر عمن من هو الصبيح فبو أنس بالتأكيد أرفع منه وتاريخه لايقارن بمن خان الدولة وحارب المقاومة

أخيرا
اقولك راجع المراسيم الأميرية خلال السنتين الآخيرتين كم مرة عدلت
وقارنها بالمراسيم التي صدرت من الاستقلاق
سترى العجاب

enter-q8 said...

العزيز ابو الدستور
الغالي
بس حبيت اوضح نقطة اساسية
اصبح البعض يستغلها
و اهي هل الحكومة جيدة او زينة
هل المليفي قال هالكلام
اهني مربط الفرس و انا اخوك
الرجل اجل استجوابه
هل ندخل تخبط الحكومة فيه و كأنه الان اصبح مدافع عنها و الله يا بو الدستور هذا اللي صاير من اللي خبرك
لو لاحظت معاي
ان المليفي قدم هدية للسلطة التشريعية و لكنهم لا يرغبون بهذه الهدية لأنهم عارفين راح تجر عليهم الويل
الرجل قدم ادانة و اضحة للحكومة
و اللحين توهم يا خوي يقولون ويلوحون بالاستجوابات
مو قبل كم يوم مو كان وقته
بو الدستور
بذمتك اذا انت عضو
ما تقوم و تقول
و تقدم استجواب فقط بناء على اعتراف الحكومة باخطاء سبقت و اخطاء اعترفت فيها
اللي يحصل يا عزيزي فيلم هندي و فعلا فعلا مضحك
بس ابيك تركز معاي
على موضوع الجنسية
و الله ثم و الله لتنصدم شوف الاسماء اللي جايه و راح تنصدم من الاعضاء
و راح اعلن لك اسماء الاعضاء
قبلها

بو الدستور
الكويت هل كبرها
تكفى اسال
و ترى تكفى عند البدو كبيرة

الدســتور said...

Enter-Q8
تبي الصراحة
كلام المليفي في برنامج الوشيحي أقنعني
:)