Tuesday, November 11, 2008

الدستور أملــنا




إذا أظلـم علــيكـم لـــيـلْ
واخْتلفتْ هقاويكم،
تعالوا لي:
عدّو الليل سمّوني
حبيب النور
أنا الدستور
* * *
أنا مثل الذهب حرفي
ولو مرّتْ علي أزمان
أو حتى نسيتوني
على رف الكتب مهجور.
وأنا الميزان
لاخْتلّتْ موازين المحبّه يوم
مـ بين اثنين،
على الصوبين شوفوني.. كأني سور
* * *
أنا القلب الكبير الواسع المليان
أنا حُكم العداله وذمّة الميزان
أنا عون الفقير ورادع الطغيان
أنا السدره العتيجه غصونها أحضان
أنا النجمه الحنونه وغفوة السهران
ونا سيفْ بكفوف الشعب ما عمره ذبح انسان
واذا كنتم زمانٍ فات
يـ حْبابي.. نسيتوني
واذا كنتم زمانٍ فات
عدد مرّات.. هِنْتوني
وطاوعتوا هوى الشيطان
تعالوا واطْلبوا الغفران
ترى طبع الليالي.. تدور!
أنا القلب الكبير وذنبكم مغفور

أنا الدستور

ملاحظة : أول مرة أدري ان الحزب الديموقراطي
له قــــــــواعد بالدائرة الرابعة ...وينك يا بورمية

13 comments:

Enter-Q8 said...

وسط القلوب يا كويتنا وسط القلوب
اليوم ما ادري اشفيني شغال الاغاني القديمة مالت الكويت
ام كلثوم و عبدالحليم و فيروز
الوالد يقول انت علامك اليوم متبري من اصلك ما تتكلم كويتي
قلت له لا قاعد اذكرك بشبابك يا شايب

ماله اكمل داعي تعرف الباقي



هذول حاطين تهنئة
الربع مسوين عشا امس مع ان ما فيهم واحد خال
بس ضحكت على واحد من الربع يقول
الله اوباما يدش البيت الابيض و اهو قاعد يطالعه من داخل و يقول بعفوية
لا اله الا الله و الله حلو البيت الابيض

Yang said...

يمكن يصيرلهم اوباما :)

nanonano said...

صح لسان وضاح
و هم
صح لسانك


تهقى أوباما لو يدري عن هالتهنئه شنو يصير فيه؟؟
لو أنا منه أنقمت

abu eldestor said...

Enter-Q8 :
يعني انت اليوم طربي
:)


Yang :
صح
كل شي جايز
الله يلعن العولمة

abu eldestor said...

nanonano :
عادي المهري مهنيه
وقفت على هذا

بس انا مستغرب
ماسوى عشا حق ناخبينه
تهقين ليش ؟؟؟

ابو لطيف said...

تسلم ويسلم وضاح


سمّوني
حبيب النور
أنا الدستور

فريج سعود said...

رجعان ليش مو كاتب رقم موبايله علشان اذا بغى اوباما يبره بفلسين ؟

why me said...

ممكن افهم شغله بليز


انا الحين ابي افهم وايد يعني فرحانين بفوز اوباما ؟؟

يعني شبيسوي لنا ؟؟


اي احنا جذي بس نبي نفرح



باجر ايينا طراق

hehehehehe


ترا انا مو متشائمه

;pp

abu eldestor said...

ابو لطيف :
اي والله يسلم


فريج سعود :
لا هذي بس
بالجرايد


why me :
اهلا وسهلا
من زمان مابينتي

بس said...

صح لسانة و سلمت يمينك على النقل

:)



مو هين و الله

:)

ZooZ "3grbgr" said...

خل يرسى على بر
الهلالي ولا الهليلي
!؟؟!؟!!؟؟!!؟

JiBLa CiTY said...

العشا الخميس بحديقة البيت الأبيض
هخ

abu eldestor said...

بس :
بعض مما عندكم
:)

ZooZ "3grbgr :
شالفرق
؟؟؟
ماطاح الا انبطح


JiBLa CiTY :
عسى معزوم الخرافي