Thursday, November 13, 2008

إياك واليأس من وطنك


اكتب هالبوست وآنا وغيري يعيش حالة من الحزن

والكآبة من الوضع الحاصل في الديرة

يا ترى السبب من منو ؟؟؟

الرياضة : وقف النشاط الرياضي وأصبحنا علوقة الخليج

السياسة : المجلس والحكومة كل يوم نجرة و كل من يلوم الثاني

الاقتصاد : راس مالنا البورصة ووقفتها المحكمة

التنمية : سلملي عليها وردد عليها شخــــباري

شنو عندنا وشنو اللي بقالنا

في السابق كنا نحصر رمز الفساد بشخص أو أكثر

الحين شيلمــــهن شيلمــــهن

منو اللي قلبه على الديره

منو اللي قلبه على الكــويت

معقولة بس أحنا ؟ ولا أحنا غلطانين

ليش الفرح يوقف عند حدودنا

ليش التعاسة تارسة بيوتنا

ليتك يا مرزوق ماقلت إياك واليأس من وطنك

لأن اليأس دخل في نفس كل كويتي

22 comments:

Mamloo7a Q8ia said...

املي بالله سبحانه كبييييير
وكل ازمه ولابد انها تنفرج
بحوله وقوته
وما ييأس من رحمة الله الا الكافر

بحول الله وبهمة كل كويتي شريف يحب الكويت بتنحل كل الازمات

وبتصير الكويت احلى واحسن
بس بالصبر والهمه وبدون يأس

انا يضيق خلقي اذا شفت
جيل الشباب يائس

why me said...

:(

kuwaitawy said...

اصبت الجرح يا ابو الدستور اصبت الجرح



كأن اليأس كان موجود بداخلي ومستحي ان يخرج

وانت اخرجته استنادا عالوضع الحاصل




آآه يابلد آآه

Enter-Q8 said...

ابو الدستور
راح ادز لك ايميل ابيين لك في وجهة نظري من هالموضوع

بو الدستور
يبونا نقول هالكلمة علشان يفلون المجلس
و يعلقونه
و اذا تعلق معناه تعلق دستورنا

خلك حريص و انا اخوك

الايميل الياي
اهي خطوة متاخره و لكن فعلا وقتها هاليوميين

nanonano said...

أنا بعد أحداث هالأسبوع وصلت مرحلة الكفر بالديمقراطيه

بـــــــــــــــــــــــــــس

مو معقوله أن بس أحنا اللي منحرقه قلوبنا على البلد و الباقين و لا على جبدهم خبر

وايد معصبه
وايد ضايق خلقي
كرهونا بكل شي

والله لو يحلون المجلس باجر بالطقاق
مو فارق معاي شي

كيفهم...زهدونا بعيشتنا لا من نواب و لا من حكومه
ماكو أحد تعصّب فيه الراس

آسفه..أنا وايد منفعله بس من كثر اللي في قلبي

JiBLa CiTY said...

لاتيأس عندنا حليمة بولند
على ايدها بتنفرج اساريرك

:)

Eng_Q8 said...

الا انت

لا تقول هالحجي

اتوقع بو وليد دزلك شنو في بالي وشنو في باله يا معود ما نبي نوصل لي هالمرحله

Eng_Q8 said...

نانو


يا نااانوو اهم يبووونا انقول جذيي يا يبا لا تقولييين جذييييي

nanonano said...

eng_q8:

والله تعبت منهم..على بالك أني فرحانه و أنا أقول هالكلام..قلبي تقطع..خل زشوف بصبص أمل من ربعنا وشوف ذاك الوقت شلوت بتتغير النفسيه و ترجع روح القتال مره ثانيه..بس لي الحين ما شفت شي

ButterFlier said...

بيدنا طسينا عينا

بس said...

بوالدستور


اشارك الزميل
ButterFlier
رايه احنا اللي
طسينا عينا

abu eldestor said...

Mamloo7a Q8ia :
لا انشاء الله
مانيأس


kuwaitawy :
موجود فينا كلنا
وعساها تعدي على خير



Enter-Q8 :
مالنا خيار غير
الديموقراطية
اللي أختاروها الكويتيين
و سالفة حل المجلس
خلهم ينسونها أحسن

abu eldestor said...

nanonano :
أخالفج الراي
عمر الديوقراطية ماكنت سبة
أو سبب تخلف
لكن الجميع أساء لها
أعرق الدول المتقدمة
متمسكة بدساتيرها
ولا تنظرون الى الدول المتخلفة
:)


JiBLa CiTY :
ضحكتني وانا مالي خلق أضحك
:)


Eng_Q8 :
بشوف الايميل
:)

abu eldestor said...

ButterFlier & بس :
صح كلامكم
بيدنا للأسف

Eng_Q8 said...
This comment has been removed by the author.
Eng_Q8 said...

نانو

منو الفرحان بهالديره

اذا بتنطرين احد من الحين اقولج منتي معينه خير

Yin said...

هم يريدونا أن نكون هكذا يائسين علشان يسرحون ويمرحون
!!

لا تيأس يا أبو الدستور ما ضاقت إلا فرجت
صدقني أغلبية الناس ملوا والأمور صارت إلى أردى حال

فالتغيير آت لا محالة
ًwe reached pitt bottom and there is no where to go but up !!

ترى الشعب بيده التغيير
بس يبيله همة وعزم وعمل

وإنشاءالله الصوت الواعي المحب يوصل
ونفتك من نواب الهم والغم والمصالح
وحكومة المساومة والتخلف

قواك الله

abu eldestor said...

Yin :
انشاء الله

Mishari said...

مرزوق قالها وناسة
طلعت السالفة

يأس
يأس يأس

JiBLa CiTY said...

اضحك يبه اضحك احنا بهالبلد شلاقين غير الشماتة والضحك؟

:)

شعب كله يتشمت ويضحك

:))

إياك والشماتة على بلدك
خخ

ZooZ "3grbgr" said...

انزين
اذا انا عندي قناعه
ان الاحباط معدي
ولازم نتجنب المحبطين
بس حتى اللي مو قاعد يصرح فيه
قاعده اشوفه بويهه
يعني وين أروح وين أولي
أطير بالعالي ما يحصلي
نهج يعني؟

abu eldestor said...

Mishari :
شفت شلون
نفس النفيسي مع القروض


JiBLa CiTY :
:)
ايه والله انك صاج


ZooZ "3grbgr :
اي والله
الكـــل محبط
والله يعين