Sunday, November 30, 2008

مجلس عـــبود



بعد انتخابات مجلس الأمة الأخيرة وبعد

النتائج مباشرة الواحد ما يقدر يفكر في النوعية

التي أفرزها الشعب

أخذت نوم عميق حتى العصر

مصاحبا معها كوابيس وأحلام يقظة

المهم في الليل وأثناء الجلوس بالقهوة

أقترح أحد الأصدقاء الذهاب لسياسي محنك

خصوصا أنه ( أي صاحبي ) داق عليه

وقاله بنزورك

وبعد وصولنا لبيت السياسي ودخلنا عليه

لقيناه ماسك الزقارة و فنجان القهوة جدامه

و بجانبه مرشح سقط بالانتخابات

عن الدائرة الثانية

وبعد السلام والتحية لقينا العبس والحزن

مغطي المكان ، علمت انه بسبب سقوط ذلك المرشح

ولكن بعد خروجه صححت المعلومة بأن الحزن

ليس بسبب سقوط ذاك المرشح لأن سياسينا

عارف سقوطه من زمان وماحب يجامله

قلت له يابو فلان شرايك بإفرازات اليوم

رد علي ودخان السجاير ممتلئ المكان

أقدر أسميه مجلـــــس عبود

ضحكت من هالتسمية وقلت يمكن تبالغ

رد على بضحـــكة خبيثة

الأيام راح تثبتلك و بتشـــوف

الآن أقولها نعم صدقت

انه بالفعل مجلس عبــــــــود

من يرى الخوف والهلع الحاصل

للأعضاء يرى حبهم للكراسي والخوف

من حلْ المجلس
يا ترى وهو سؤال موجه للأعضاء

في حال سحب الاستجواب

هل سنرى تنمية أو تقدم للبلد

أو على الأقل تقديم خطة التنمية

بالتأكيد لأ

إذا لماذا هذا التباكي على ناصر المحمد

لنكـــن صريحين مع أنفسنا

إذا سمو الرئيس عدى بهالاستجواب

هل سيعدي في غيره من القادم ؟

بالتأكيد لأ ثم لأ ثم لأ

لا تضحكون علينا رجاءا


ملاحظة أخيرة
المادة 142 من اللائحة الداخلية لمجلس الأمة تقول

يسقط الاستجواب بتخلي من وجه إليه الاستجواب
عن منصبه أو بزوال عضوية من قدم الاستجواب
أو بإنتهاء الفصل التشريعي وإذا انتهى دور الانعقاد
دون البت فيه يستأنف المجلس نظره بحالته
عند بدء الدور التالي

الخلاصة
استقالة الحكومة حاليا وتشكيل حكومة ثانية
بنفس الشخص لا تسقط الاستجواب

21 comments:

بس said...

صباح الخير

عبود ذكرتني بوحده اعرفها ابوها كل يناديها عبود لوووول :)

ماكو غيره :))


انتهى الدرس

nanonano said...

عبّود

هبّود

اللي تبي

تصدق مليت من هالسالفه..مو معقوله..لي متى؟

يعني ماكو بهالبلد الا هالولد؟؟!!؟؟

رئيس الحكومه الحالي فشل..خلاص
face reality

أبو لطيف said...

منو عبووووود ؟

:)

هذه احدى مساوئ او حسنات الدوائر الخمس

التكلفة عالية والنجاح غير مضمون

تقضبوا الجماعة حيل

لا... ويتعنتلون بعد

والله المستعان

الدســتور said...

بس :
أكـــو غيره انشاءالله

الدســتور said...

nanonano :
اي هالمقولة صارت دارجة عندنا
طبقت في ديوان المحاسبة بعد
:)

الدســتور said...

ابو لطيف :
عبود يامحمود السلامة
وين ماتبيه يروح
أيــــروح
بس حمر العين عليه شوي

عبدالرحمن said...

صبحك الله بالخير


انا معاك الف بالاميه

كلامك كله صحيح

انت من الناس القله اللي رأيك مجرد من اي خصومه ومنطقي ووطني

لان اغلبيه المدونين نسو كل سلبيات ناصر المحمد وبلاويه والحاله اللي وصلت لها البلد من تردي كل المجالات وغفروها له بس لمجرد ان المستجوبين سلف

تخيل !!

وبعظهم اسخف بس لمجرد انه مايحب شكل الطبائي الجيكر ولا لايعه جبده من اسلوب محمد هايف

تخيل بس لهذي الاسباب ثار وصال وجال ضد الاستجواب ونسى مصلحه الكويت

لو كان خلف دميثير اهو المستجوب انا راح اكون مع خلف ضد ناصر المحمد لان خلاص ناصر المحمد مايترقع وخذا اكثر من فرصه والنتيجه شوف البلد شنو صار فيها

كويــتي لايــعه كبــده said...

على كثر ما استبشرنا خير بناصر المحد انصدمنا من أفعاله ومن آداءه

ملخص خاله: انه أحسن من غيره...
لكن مو من طيبه من ردى غيره

الناس خايفه من اللي يحفر له والا مو من زينه هو

أثبتوه فاشل وغير قادر وهو بالفعل كذلك... لكن ركز على "أثبتوه"!


لا يضيعونا بينهم مثل ما ضيعوا القدم

Mohammad Al-Yousifi said...

النواب يات من صالحهم المؤتمر الاقتصادي في يناير او فبراير القادم

و الا يقولون نية الحل كانت مصوقرة

Fankooshy said...

اي والله ياكثرهم اللي خايفين من حل المجلس بس عشان الكراسي
لا همهم مصلحة بلد ولا دستور
والله عيب

الدســتور said...

عبدالرحمن :
صح كلامك والله
:)

الدســتور said...

كويــتي لايــعه كبــده :
أخي الفاضل
ودي أسألك سؤال
انت و غيرك طبعا
في 2006 هل كنت تتوقع ان يكون ناصر المحمد رئيسا للوزراء ؟
طبعا لأ
اذا لا تتوقع ماهو المستقبل
عليك بالحاضر

الدســتور said...

ma6goog % Fankooshy :
اي والله هذا الخوف من ضياع الكرسي
و مو بس المؤتمر الاقتصادي اللي يه بوقته
حتى مؤتمر البرلمانيين ضد الفساد

ابوالوليد said...

ابوالدستور

اذا مجلسنا عبود أكيد حكومتنا حمود

واتلم الخايب على متعوس الرجا

Blog 3amty said...

مجلس العبور !

أخاف قالك

مجلس القبوط

:P

بس أنت ما سمعته عدل !

فريج سعود said...

انا كنت بعد النتايج صافن ثلاثة ايام وضايق خلقي وكنت متوقع هالسيناريو

Yin مدام said...

مجلس عبود وصلوح
واللي تبي

زين ما شفنا كل واحد شايل كرسيه معاه البيت من خوفه

والله يا أبو الدستور لا من حكومة ولا من مجلس ما أردى من هذا إلا ذاك
الرئيس مفروض مركز قوة وسلطة
والمفروض شيء والواقع شيء آخر

والله كريم

الدســتور said...

ابوالوليد : حمود
لا ياخوي اذا حطوا براسهم شي يمشونه
مالك شغل بالكلام

الدســتور said...

Blog 3amty :
ولد العمه
مجلس عبود أقوى بكثير من مجلس القبوط
عبود تصغير للاسم
حالها حال أزيرق

الدســتور said...

فريج سعود :
تبي الصج كل سنة ننصدم من الاعضاء
لكن أول مرة انصدم من الاثنين الحكومة والمجلس

الدســتور said...

Yin :
صلوح
:)
مايرضون ربع التحالف
دير بالك