Wednesday, November 12, 2008

لا والله ...هذي جديدة


ليس دفاعا عن مسلم البراك أو غيره

لكـــن ما حدث أمس وماصرح به رئيس المجلس

أو غيره من النواب و تعبيرهم بشكل كامل إن ما حدث
من النواب ما هو إلا إساءة واضحة للديمواقرطية


حدث العاقل بما يعقل من هو بالفعل من قدم الإساءة

للشعب الكويتي أيعقل أن تشكل تلك الصورة دواوين الكويت

من حق الحكومة أن تعترض على الإقامة بأملاك الدولة

ومن حقنا أيضا أن نعارض تلك المنشآت المقامة وأنا مازلت

عند رأيي بعدم جدوى تلك الدواوين لكن لا يتم الإساءة لهم

بــهذا الشكل وبهذه الصورة



سمو الرئيس لا تتضايق ولا تزعل نفسك
تضامن مع دميثير وفكونا

بذمتك ألا ترى أن الحكومة تبحث عن الأزمات

وأنها هي من فقدت بوصلة الإصلاح وليس المجلس

و ها هي اليوم تثبت بأنها قادرة على إدارة هذا المجلس

بعد رفض قانون الدواوين وحصولها مع معارضة هذا القانون

ب 34 صوت و المشكلة أن كلامهم المأخوذ خيره مايمر علينا

تدرون شلون خلوني أردد مع نوال أحسن
لا والله ... هذي جديدة عـــلي

24 comments:

Yang said...

هذا العناد ومايسوي.

صاروا مثل اليهال, الحكومة تعاند المجلس والمجلس يدور الزلة على الحكومة, واحنا اللي ضايعين :(

للأسف.

enter-q8 said...

انا بفهم شكو حاط هالصورة بتقرير ازالة الدواوين
يعني فعلا مالها داعي

بس هم بعد ماله داعي النقاش بهالطريقة ابدا

الدســتور said...

Yang :
للاسف



Enter-Q8 :
يقول انها لوحدة من الدواوين
وبعدها تراجع وقال لا مخيم

لعب و بربسة

بس said...

صباح الخير
على بو الستور

اللجنة اعرضت اغلب التعديات من مخيمات و دواوين الخ من التعديات ؟؟

انا ما ادافع عن اللجنة !؟

بس لا تنسى عرض مسلم لصور الرياييل و الحريم في استجواب الجراح الخطا خطا ؟؟

هل معناته تصرفة في استجواب الجراح صحيح ؟ و تصرف اللجنة الحين خطا ؟

وهنا تحدث العاقل فان صدق فلا عقل له

واسمع موليه هم حلوه بعد :))

الدســتور said...

بس :
في البداية آنا تحدث اني ما أدافع عن البراك ولكن ليش نكرر الخطيئة


حاضر بسمعها
:)

بس said...

بوالدستور


و انا اقول لا يسوي روحه كلش وشريف روما و هذه نفس الغلطته في حين ان مسلم عرض صور لشخصيات معروفه و لجنة اعرضت صور للخمر و لم تعرف لمن ؟؟

nanonano said...

أنزين أشرايك بواحد من هالنواب اللي سووا العفيسه و الحركات لما طلعوا من القاعه و دخل الأستراحه..صرح أن كان سهران بهالخيمه

أبوالدستور..أنا مستائه من الأنحدار بالطرح اللي أهمه فيه
*******

على فكره..حاولت أقلد الكورس ملوت الأغنيه بس ما طلعت معاي

الدســتور said...

بس :
ايه شوفي عيل

البوست كان موجه ومعرضا النقد على الحكومة

اذا الحكومة اعرضت الصور وأستفزت النواب وبغض النظر منو هالنواب
لازم تتحمل صراخهم
لانهم اعتبروا هذه الصور اساءة لجميع دواوين الكويت وأهلها

بخصوص صور على الجراح واستجوابه الشهير
فكانت الصور موجهة لاشخاص بعينهم ولاتمثل كل الكويتيين مثل الصور المذكورة أعلاه
حتى وان اختلفنا وقلنا وضع الصور غلط فماله داعي نكرر تلك الاخطاء واللي يكررها خله يتحمل

الدســتور said...

nanonano :
شوفي يسهرون يروحون
بكيفهم
كل له حساب وعقاب
ليش التعميم هني مربط الفرس
اذا عندهم معارضة للدواوين فتكون بالمنطق و مو بالخرابيط هذي

nanonano said...

abu eldestor:

ليش الكيل بمكيالين؟

kuwaitawy said...

لا والله ... هذي جديده




خوش اغنية عجيبه


بس الشغله الجديده مو خوش شغله :)

أبو لطيف said...

اعتقد ان الامور اتضحت للاعضاء

وكلها مسألة وقت

الانفاس الاخيرة

الله يستر

why me said...

ummmmm

موشي الصراحه

Eng_Q8 said...

مهزله

JiBLa CiTY said...

يبه اللي يشرب علقوه بالصفاة

وفكونا

وخنشوف من الكباريه منو يشرب ؟

ZooZ "3grbgr" said...

يبا لحد يعرض الديوانيات
مادري شفيكم
تبون تبوؤون بغضب؟
مو الديوانيات موروث من أيام قريش
الله يهداكم بس

الدســتور said...

nanonano:
وجهة نظر
مو شرط اللي ينطبق على
ينطبق على الناس


kuwaitawy :
كل شي صاير هاليومين مو خوش




ابو لطيف :
بيحلونه

خلهم يحلونه مو شي جديد

الدســتور said...

why me :
كلــــش

:)


Eng_Q8 :
مين سمعك


JiBLa CiTY :
تهقى منو ؟
:)



ZooZ "3grbgr :
سالفة قريش اهيا اللي مو راضيه ادش بمخي
اشدراه الحبيب
عمري ماشفت كتاب يتكلم عن ديوانية بوهايف اللي براس عاير فريج قريش

كاكاو مالح said...

مسلم من يوم ما سكت عن استجواب شرار واهو طايح من عيني

لايسوي روحه شـ.....ف وقت مايبي

بس هم الصور غلط تنعرض

والغلط عمره مايتعالج بغلص (الصراخ) حسبي الله عليهم

الدســتور said...

كاكاو مالح :
مو دفاعا عن مسلم
بس اللي انعرض غلط في غلط

JiBLa CiTY said...

الخردة مردة تييب الهردة

:D~~~

الدســتور said...

JiBLa CiTY :
أمثالك قوية

ZooZ "3grbgr" said...

لووووووووول
ردك موتني ضحك

الدســتور said...

ZooZ "3grbgr :
أي رد
:)