Wednesday, September 23, 2009

عيدكم سعيد بدون الكويتية‏


عيدكم و تقبل الله صيامكم و قيامكم

الشوراع فاضية ولله الحمد وعسى دوم ماهي يوم وعند السؤال عن الاحباب و الاصدقاء



نلقاهم خارج حدود البلاد طيب ليش

الاكوابارك وعندنا
و سوق الحمام و عندنا



ماعليه النفس وماتشتهي وأن كلمتهم يقولك بنفتك من الضغوط اللي علينا


ولما تدور من شارع ليه شارع عن الضغوط اللي يقولون عنها


مانلقى شي وشلون نشوف ضغوط واحنا طول السنة بإجازات


الا اذا كانت صور مسؤولينا وأهما نازلين من الطيارات


و صور مترو دبي بزينتها وجمال طريقها



وصور كلية الملك عبدالله بجدة



على هيك ماتنلامــون عساها سفرة سعيدة و ممتعة


وعليه فالنصيحة النصيحة


فلا تغلطون مثل ماغلط صاحبكم
خصـــوصا هالأيام رطوبة و الجو مايساعد

دفعوا زيادة وشيلوا الأغراض بالطيارة

ولا تشحنونهم لأنكم ستعرفون أن الكويتية


مثل مـــاقــال الهرمي


مافيه حنيــــــــة





ملاحظة : موعدنا يوم الاثنين ببوست جديد

24 comments:

C'est La Vie said...

هلا الدستور عيدك مبارك
الله يعافيك شنو فيها الديرة يونس؟
الناس قبل العيد تروح المجمعات تجهز حق العيد
وبالعيد يروحون يتمشون بالمجمعات
ديرة مجمعات ومطاعم بس
حتى المدينة الترفيهية اللي قاصين على اليهال فيها
يقولك مافيها صيانة
ليما اقارنا بدبي والله احتر :(
وين كنا ووين وصلنا؟
الناس تتقدم واحنا مكانك قف

Enter-Q8 said...

بدينا بالتحرش عاد
يوبا اول شي انت مصور مكتب الجمارك اللي استولوا عليه من الكويتية
شفت اشلون
و يعدين لو داز لي ايميل وقايلي يا بو وليد جناطنا وهالسوالف
حاضرين دز سايقكم و ماني شايف اسمك علشان ما اعرفك
و مبني الشحن اضحكك اكثر و اكثر تدري ان ميزانيته معلقة اكثر من خمس سنين و السبب مره يوافقون و مره الطيران المدني يرفض و مره الجمارك و اخرها الخصخصه و على هالمنوال

esTeKaNa said...

وأنا اقول وين ابو الدستور ما قالنا عيدكم مبارك؟
اثاريها الاكوا بارك وما تسوي
:Pp~
عيدك مبارك وتقبل الله طاعتك
ويا زين الشوارع وهي خاليه
والمشواير اللي تخلص بسرعه
:))
وبانتظار بوست الاثنين نصبح فيه

Yin مدام said...

عيدك مبارك يا أبو الدستور

بس سوق الحمام وقته بالشتا بس
مع اليهال كرحلة ثقافية
:))

والله العيد حلاته بجمعة الأهل والزوارات الوقت الوحيد اللي تشوف فيه كل أهلك وأحبابك بمكان واحد
ما أحب أسافر فيه
ليش أضيع ثواب صلة الرحم
:))))

شفت صور كلية الملك عبدالله؟
عجيبة
:))

bo bader said...

العيد هل هلاله المتبسم
يا سعد من بجماله يتنعم
قد جاء بالفرح الذي أنواره
من كل ناحية عليك تسلم

عيدك مبارك
وعساك من العايدين والفايزين

شاي الضحى said...

عيدك مبارك وتقبل الله طاعتك

واهم شي الاكوابارك انت شايف الاشكال الي فيه والوصاخه؟

وانا من صار العيد وهي قعدتي بالبيت لان كل مكان زحمه ولو منزل بوستك قبل وقايل ان الشوارع فاضيه (ما اعتقد)
جان طلعت هههههه



مشكور :)

أبو الدســتور said...

C'est La Vie :
ايامج سعيده
كل شي يالديرة يونس
:)

الظاهر مارحتي ابراج الكويت
جربي بس ديري بالج لايوقف الاصنصير فيكم

أبو الدســتور said...

Enter-Q8 :
بوليد تسلم
بس من طبعي ما احب الواسطات
ومع ان الربع هناك
بس البهذلة مو حلوة كلش

أبو الدســتور said...

esTeKaNa :

هلا والله
شفتي شلون
مطيح هناك وماخلوني اشارك
بفكر واربح

أبو الدســتور said...

Yin مدام :

ايامج سعيدة
تقولين رحلة ثقافية
ههههههه

مافي مكان احسن

أبو الدســتور said...

bo bader :

ايامك سعيدة
تسلم اخينا العزيز

أبو الدســتور said...

شاي الضحى :

ايامج سعيدة

طلعي استانسي احسن
:))

SHOOSH said...

الكويتيه لا تسافر عليها و لا تشحن عن طريقها

بس شوفها من بعيد و ورها عيالك غذا شفتوها بالسما

عين بغزي said...

مع احترامي للخطوط الكويتية ..
الي يسافر معاها انا اعتبره مسافر نفسيا منتحر
طول الرحله و اهو ايده علي قلبه

أبو الدســتور said...

SHOOSH :

لا والله انا اروح فيها
بس بالعمرة
:))

أبو الدســتور said...

عين بغزي :

اللي الله كاتبه بيصير

JiBLa CiTY said...

وين راح المطعم السياحي العجيب ساكت عجيب عيل؟
اكو احد عنده هالمطعم بديرته ويسافر؟
هل يعقل؟

الـبـيـرق said...

الـكـويـتـيـة مـن دهـر و حـنـا نـسـمـع سـيـتـم خـصـخـصـتـهـا !

:)

أبو الدســتور said...

JiBLa CiTY :

لا أبدا أهوا ويا مطعم الهيثم
أحلى من أكل الهارودز

أبو الدســتور said...

الـبـيـرق :

السنة الياية انشاءالله
:))

أهل شرق said...

كل عام وانت بخير

الكويتية خبري فيها بال 97

لانها بصراحة لاتصلح للاستخدام الآدمي

أبو الدســتور said...

أهل شرق :

وانت بخير و صحة و سلامة

يا الحبيب مالنا غنى عنها
وخصوصا لما نروح العمرة
:)

فريج سعود said...

كل عام وانت بخير يا الغالي

متأخرة معلش ان شاء الله امون عليك

أبو الدســتور said...

فريج سعود :

وانت بخير وصحة وسلامة
انت تمون على الرقبة