Saturday, August 8, 2009

ياشيخ استانس ماكو مشكلة‏



بما ان الاجازة بالفعل كانت سعيدة و ممتعه


و الواحد طلع من الجو القامت الي كان عايش فيه

لكن و بما انك كويتي فبلاغة الشف

موجودة فيك منذ امد بعيد

وحتى تحليلات البي بي سي لن تستطيع

فك لغز لقافة الكويتيين

وعلى هذا الاساس ايدي حكتني باليومين اللي طافوا

و قلت يلا خلنا نشبك و نغث نفسنا شوي بأخبار ديرتنا

طيب ليش تدور الشقى خلك مستانس


لأ إلا أبـــي أشوف أخبـــار ديرتي


ماعلينا بطلنا الكمبيوتر ولقينا افتتاحية ولا اروع للقبس






معقولة القبس عــــاد إهيا قبل جم يوم تدافع عن الرئيس و تمدحه





الحين ملـــــــت ...طيب مو بهالسرعه


شــــنو اللي تغيــــر ماكـــان زين معاهــــم



نرد على افتتاحيتهم شفيها اذا الرئيس أخــذ إجازة

من حــــقه يــــرتـــــــــاح

و هـــنا لاحظــوا كل هالكلام وآنا قاعد أكــلم نفسي

شنو اي اجازة و اجازة على شنو

ومــــن شنو بيـــــــرتاح لايكون من مجابل الركيبي


وليه يا اخي لا اتعقد الامور خلك سهالات و تعال ناقشه

أناقشه؟؟؟ يلا ماكو مشكلة ننقاشه


مراسلكم : ياطويل العمر من كلفت بالحكومة وحضرتك بعد كل نهاية دور الانعقاد تروحون دول اول مرة نسمع عنها ومانشوف تطبقون شي من اللي شفتوه وبعدها توصلون الوزراء للكويت وتكملون اجازتكم الميمونة في سويسرا ولما ترجعون ويبلش دور الانعقاد تقولون مامدانا نشتغل ! طيب ليش ماتقعدون وتشتغلون مو أحســــن ؟


سموه :
لا تحاتي يا أبــني كل الامور بخير و انا دائما على اتصال بالركيبي

مراسلكم : طويل العمر وين الامور بخير ماقالولك إن وزير الداخلية أحرجك و أحرج النواب اللي وقفوا معاه على عشانك وبالاخير ماأرسل الملف للنيابة


سموه : مشكلتكم يا أبني تصدقون بسرعه آنا وعلى كاسكو كلنا ندري أن بعد الاستجواب بندز ايميل للنيابة ونبي ناخذ برايهم بس ماتوقعنا باجي النواب صيده

مراسلكم : بس ياطويل العمر جذي بتدشون في توهان مع المجلس بدور الانعقاد الجاي شتبون تجابلونهم في ؟ أنتم ولله الحمد تطبقون المثل الوجه للوجه أبيض وفوق هذا المشاكل القديمة ماخلصت

سموه : يا أبـــني لا تحاتي إحنا ولله الحمد عندنا بكل دور انعقاد مجموعه جديده شقرديه تدافع عنا واحنا مستغربين شلون يدافعون عنا بس شتقول ربك مسهلها


مراسلكم : طيب يا طويل العمر شفت الخطة الي قدمتوها آخر دور الانعقاد


سموه : اي اشفيها

مراسلكم : بغيت أسألـــك عنها

سموه : لا لا لاتسألني عندك ابو الفهود اهوا الخبير في المراسلات مع المجلس ويعرف يتوبك الامور


مراسلكم : يتوبك ... شيتوبــك طويل العمر ؟؟


سموه : مادري ...جذي قالولــــلي وهذا اللي خلاني أوافق عليـــه

مراسلكم : بس يا طويل العمر أهـــوا ودرنا بموضوع الرياضه وليلحين حايسين فيه ربعنا وموعارفين له حل

سموه : لا انشاءالله امور الرياضه محلوله بس صبروا شوي الشطب النهائي ياي بالدرب و بشر أهـــل الكويت

مراسلكم : زين زين الله يبشرك ... سؤال أخير يا طويل العمر ومابي أثــقل عليك انت متأكد أن الخطة راحت للمجلس


سموه : احنا عمرنا ضحكنا عليكم ... تدري شلون أسأل معصومة و بتقولك


مشكور مشكور يا خيالي الواسع على هذه المشاركة

لحظة لحظة على شنو مشكور

معانا مداخلة من النائبة معصومة ... ألو

تفضلي قولينا مشاركتج ...شرايج بالخطة ؟؟؟

والله شوف انا صرحت وتصريحي مادري شلون طلع مني






أووووووف شلون جذي حتى بهذي الحكومة هوشت لنا


لا بالاحالة للنيابة صادقين و لا بالخطة جادين


ياسمو الرئيس واللي يرحم والديك أرجــــع

البلد بعهدتك و أمـــانة بعنقــــك


شوف الاعلام وأقــــذر جريدتين الوطن و الدار
يتبارزون بأبشع الأساليب


شوف البنية التحتية وين راحت




شوف بدر الشريعان و تعييناته القبلية


شوف رئيس مجلس القضاء الاعلى سابقا و وزير العدل حاليا


يعين ابنه كمدير لاحدى الادارات

وابنه و بصريح العبارة يقول لهم ما ابيكم تعتمدون علي


كلها ستة أشهر و بصيــــر وكيل مساعد


يا سمو الرئيس الحق البلد شوف أعمال وزرائك



قسما بالله التاريخ لن يرحمــــك



28 comments:

عاجــل said...

لو يقعد ويجابل شغله
شان شغل الديرة وشغلنا وياه

ولكانت اصوات من يشقون الوحدة الوطنية ضعيفة ولا نسمعها


التاريخ ما راح يرحم ناس وايد

كاريكاتير said...

القبس كل يوم لها كلمة والجريدة نفسها مافي غير جريدة الوسيط موقفها ثابت!!

ma6goog said...

لا يرجع

خل ياخذنا معاه

Enter-Q8 said...

ست اشهر اللحين فهمت الحكمة
لما المصريين يقولون اشمعنى هو انت ابن سته و احنا اولاد تسعه

Anonymous said...

take it easy & relax !

لا تخرب نشوة الأجازة على أمور ما تسوى

الضرب في الميت حرام

عنيف said...

ياخوي والله مادري شنو اقول وشحجي وشخربط

الكويت تحت رحمتهم وشعبها كثرت مشاكله وكثر التحلطم عنده

Eng_Q8 said...

الحمدلله على السلامه

خل الريال يرتاح وبعدين ما تبونه يقوي علاقاتنا مع قبائل الهوقابوقا

أهل شرق said...

والله ياخوي ابو الدستور

سموه اذا كان موجود بالديره شي زين

واذا مو موجود يكون أحسن

____________________________

ثلاث سنوات رئيس للحكومة والبلد محروقه بالطائفية والقبلية والبوق على عينك يا تاجر

ماتقولي شنو الفايده من وجوده ؟؟؟؟

خااالف تعرف said...

يازين كتاب الحماد
يقول:
بناءاً على ما تقتضيه مصلحة
العمل!!!!!

كويــتي لايــعه كبــده said...

انت ناطر خير من بعد 5 وزارات آخرهم توزير أحمد الفهد مرورا بالمصفاة الرابعة وقانون الاستقرار الاقتصادي وبوقة الاعلانات ولا ننسى مصروفات مكتب "سموه" وشراء رافعات السيارات لهوايته على حساب الدولة؟

اللي متعود على مجاملات وتمصلح "فخامة" و"معالي" و"سمو" عياله راح تسمع من التاريخ اللي ما يسرها

زرياب said...

يامعود خله بره يريح ويرتاح

ما ورا تواجده بالكويت إلا التراجع والاختلاسات

أم الصحف مانقول الا على العوض

أستاذ حمام said...

ليش وينه هالتاريخ اللي يتهدد؟ احد شافه؟
... نضحك على بعض

ZooZ "3grbgr" said...

انا اشهد ان الدوكيومنت الاخير حرق دمي

عرفت يعني شنو الدم يغلي

:@

فريج سعود said...

والله سافر ولا رجع ما تفرئش

أبو الدســتور said...

عاجــل :

اي والله

أبو الدســتور said...

كاريكاتير :

افا يا فنان
هقيتك تحب ليالينا

أبو الدســتور said...

ma6goog :

يا حبك للسفر

أبو الدســتور said...

Enter-Q8 :

:)))

أبو الدســتور said...

Anonymous :

لا خلاص رجعنا

أبو الدســتور said...

عنيف :

صرنا شعب التحلطم ها

بدوري على عيادة نفسية ابرك

أبو الدســتور said...

Eng_Q8 :

الله يسلمك
نبي يقوي علاقاتنا بالحكومة بالاول

أبو الدســتور said...

أهل شرق :

على الاقل نكتب عنه
:))

أبو الدســتور said...

خااالف تعرف :

هالكتاب يطبق اسمك بالتمام

أبو الدســتور said...

كويــتي لايــعه كبــده :

ايــــه شي يقهر

أبو الدســتور said...

زرياب :

اليأس دش نفوسنا

أبو الدســتور said...

أستاذ حمام :

هل نسيت تاريخ سراق المال العام

سمعتهم تلاحقهم وين ماكانوا

الظاهر ماسمعت رئيس المجلس باستجواب وزير الداخلية عندما قال

سمعتي بالدنيا

أبو الدســتور said...

ZooZ "3grbgr :

يايج الخييير

أبو الدســتور said...

فريج سعود :

شلون ماتفرق
أخذ عندك
مجلس الوزراء لم ينعقد لعدم اكتمال النصاب

مجلس الوزراء يحدد مصير حضور جلسة المسرحين لحين وصول سمو الرئيس