Saturday, January 24, 2009

من نصف يناير حبطل التأزيم




بعد مشاهدة فيديو الامير سلطان

و بعد قرائتنا لماكتبته جريدة القبس


أبشركم بأنني سأعلن التوبة وسأترك عالم السياسة

وسأتجه مرغما لا راغبا بقطع كل الاعمال السياسية

و سأترك كل القنوات المفضلة لدي من

CNN . BBC

و قناة بوعيده وقناة أقـــولك وقف عــــندك

لأشاهد قناة البراعم المتخصصة في نشأة الاطفال قبل المدرسة


وسأبدا صفحه جديده في حياتي لأبحث عن كل ماهو جميل

و سأمتثل لقول مطربنا الكبير شعبان عبدالرحيم

من أول يناير ابطل شيشة وأبطل التأزيم

حكـــون من ربع عاشور وحتمتع بالتطبيل

و بدأت أكره السعدون و أعشق ابتسامه الرئيس

ابتسامته فيها تفاؤل لمستقبلنا التعيــــــــس

و بصوت للسلف و مايقوله الزعيم – السلطان

و بقطع كل علاقاتي و بغير أرقامي


و في الأخير اتمنى من العمام ان يكونوا راضين علينا

لأحط راسي على المخده وما انطر أحد يسحبني للحصير

هــــذا مايبونه لكن أقولهم وبالفم المليان

عشــــــم أبليس بالجنــــــــــــة

38 comments:

أبو لطيف said...

هههههههههههههههه

صدقتك :)

الله المستعان

حفظك الله

abu eldestor said...

أبو لطيف :
عسى دوم هالضحكة

أبو لطيف said...

طال عمرك حالف اقظب لساني

ان افتلت ...الله يستر

اصير مو خوش

متعود اخليها.... في الالب تجرح

خلنا ناخذ الجانب المضحك من شر البلية


حفظك الله

ma6goog said...

تهويشة

abu eldestor said...

أبو لطيف :
زين تسوي
الايام هذي يبيلها خشوع
:)

abu eldestor said...

ma6goog :

انت موجود

عبالي من المقبوض عليهم
:)

مبيوق said...

بصير زميلك في زنزانة وحدة

ونتقاسم الزقاير بيني وبينك

مزة انت ومزتين انا

مستفسط said...

هه ... مراح يلحقون

Eng_Q8 said...

خلهم يحلمون

بوتشخيص said...

لوول

ماكو الا الخير انشالله :)

مركبنا said...

(=

اخاف حلم تعوذ من بليس
واتصل على النهام

والتفسير بيكون
الخرافي للقبر على الكرسي

وعاشور يطلع بيصير سلفي

Enter-Q8 said...

و هيييييييييه
كفو و الله
لقيت واحد بيشاركنا لازنزانه
ياللا يالربع نبي نكمل كوت بوسته داخل

اي و الله عشم ابليس

Q8EL5AIR said...

بييييييه مباحث عشان الجرائم الالكترونية بسبب التشهير بالشخصيات العامة !!!

شدعوه عاد مشهرين بنيوتن ولا ادم سميث !!!

لنا الله ..

الله يستر ياخوك !!!



وتحياتي ..
ويسلموااااااااااااااااااااااا :)

abu eldestor said...

مبيوق :
مشكور الزجاير ماتقنعد الراس

بتنقصلك بسيجار طيب

مزة انا
وربع مزة لك

abu eldestor said...

مستفسط :

اي على قولة أخوانا

شيــــلمهم

abu eldestor said...

Eng_Q8 :

قصدك يتحرشون

abu eldestor said...

بوتشخيص :

انشاءالله

مع اني اشوف في الجو غيم

abu eldestor said...

مركبنا :

صـــج خيرا رأيت

abu eldestor said...

Enter-Q8 :

وليه

زاد اللي بتنقصلهم بسيجار

جذي مصرف
:)
بس تستاهلون

abu eldestor said...

Q8EL5AIR :

اي كلهم متخرجين من نفس جامعته

esTeKaNa said...

انت قول من البدايه انا ابي اتابع براعم
الحجي كله ببراعم
:Pp~
بو دستور اذا انته والشباب بتبيعونها
انا بنت وراي دنيا
بمشي تحت الساس
وببدي عقب هالخبر اقطع علاقاتي في بعض المدونات:pP~

abu eldestor said...

esTeKaNa :

بلشوا أول العلاقات
:)

بس said...

صباحك خير من الرحمن

:)

لول
دام موقاعد نسب
او نتبلى ماراح
نسكت ؟

انا ابي بسكوت
وشوربة عدس هاليومين
برد :(

صباحك رضا من غير شكاوي :p

abu eldestor said...

بس :
صباحج نووور
مزاجج عالي على هالطلبات
على العموم بالعافية

why me said...

lool

والله حاله


وبعدين لا تفاول على عمرك
:)

Fashionista said...

لوووول

الحين ما عرفنا منو اللي خذوهم؟ مدونة ديرتنا؟

abu eldestor said...

why me :
انشاءالله
طال
عمرج
:)

abu eldestor said...

Fashionista :

ودج
ههههه
مامداهم يتحرشون

Yang said...

انا راح أزوركم كل يوم
وراح اييب لكم العيش والحلاوة

:)

abu eldestor said...

Yang :
بلشت الشناته

الزين said...
This comment has been removed by the author.
الزين said...

انا مالي شغل بالسياسه

بس ما عندي مانع اييب لك غدى من هارديز كل يوم وانت عندهم

:$

خبرك العدس على طول يخليك تهلوس

يا عوينتي


وشيفكنا من الشماته يا سعد

As YoU LiKE said...

وتخليني بروحي ؟

افا .. ماتوقعتها

اول واحد اعم عليه .. انت :)

التأزيم نور في الكويت

التأزيم جمال في الكويت

التأزيم هو الحياة .. في الكويت طبعاً

التأزيم هو الشيشة
التأزيم هو كل شي ..

abu eldestor said...

الزين :

هارديز
@@
يصير ماكدونالد
:))

abu eldestor said...

As YoU LiKE :
ليش اخليك بروحك

بتروح ويانا عنبر المدونين

وفيها كل شي شيشة وبلاي ستيشن

صبا said...

والحين انا شاده الظهر فيك وانت بتنخش ؟؟

والمشكله مو بس انت ...

عاد فرصه يصير بيات شتوي
;)

ويا حلو الشوربه بالشتا

والسجن للرجاله
;P

صبا said...

على فكره انا امس داشه ومعلقه

منوووووووووووووووووو
مااااااااااااااااااا
سحه

:(((((((

abu eldestor said...

صبا :
ياحبج للشماته
ولو انا أؤمن بالرأي الآخر
ومحد يقدر مسحه
ياعيب الشوووم
:)