Friday, December 26, 2008

معـــرفتكم خســـارة

صديق سوداني فقدته بالسنوات الأخيرة منذ أن شد الرحال إلى قطر

المهم جاءتني مكالمة دولية والمتحدث على الطرف الآخر صاحــبنا

بداية قال: كيفك يا زوووووول

و هنا عرفت إن المتحدث هو صديقنا القـــديم

ســــعدت جدا بالاتصال .. وينك أنت و وين أيامك

المهم بعد السؤال عن الصحة و الأهل انتقل إلى جزء مهم

بقـــولك يازوووول ايش المشاكل هذي اللي عندكم

ليش شفينا من عمرْ وإحنا جذي هذي ديمقراطيتنا

أي ديمقراطية يا زوول انتوا بتسمون اللي عندكم هذي ديمقراطية

نعترف إنها ناقصة بس على الأقل أفضل من غيرنا

لا يا زووول مشاكلكم كثيرة والكلام موجود هنا بكثيرة

شتقصد ؟؟؟ و شنو اللي واصلكــــم

فســـادكم واصـــل أقصى الأرض يا شيخ

أي فساد إذا قصدك علاقة المجلس مع الحكومة

أبشـــرك فهي سمن على عسل و لله الحمد

من خمس أشهر ما انعقد المجلس و الديره معلقة

إذا قصدك صفقات الفساد المصفاة و الداو

أبشرك المصفاة ماشية و الداو بعد ماشية

إذا قصدك على الأمن والأمان فلله الحمد

الأمن عندنا مستتب و الشرطة بخدمة الشعـــب





إذا قصدك الرياضة أبشرك بنشارك بخليجي عمان

و الفيفا رفع الإيقاف بسبب تفاهمنا و نفوذنا الخــارق

و إذا قصدك على البورصة فلله الحمد

المحفظة داشة و الحكومة بتعالجها

صحيح إن الأسعار بالجمعيات غالية لكـــن مصيرها بتنزل

و إذا قصدك على المواصلات فأبشرك خفضوا التعرفة معاكم

وإذا قصدك .... ألـــو ألــــو

ويـــنك و وين رحت

يازوووول أيــش الكلام هذا بتضحك علي ولا على نفسك

بقـــولك ســـلم على الأهل والأصحاب

و أنسى رقمي يا زووول... معرفتكم خســـارة

32 comments:

سرحان said...

الله يالدنيا... قمنا ندور الشي الزين و ما نلاقيه

abu eldestor said...

سرحان :

شفت شـــلون

esTeKaNa said...

أنا ماحبيت هاللي داق يتشمت
!!
كيفنا
على قوله اليهال:
بيتنا وكيفنا
:Pp~

ma6goog said...

hmm

nanonano said...

كلامك كله صح

بس ما تعتقد أن أذا خليت خربت

أنا معاك الوضع الحالي كله غلط بغلط..بس أكيد في شي واحد زين

على الأقل أحنا موجودين..و لي الحين عندنا أمل

هذا بالنسبه لي كافي

أن أن شاء الله ما راح يصير أسوأ

أظن أن لازم نشتغل صح على نفسنا..لأن أذا تبي الصج أحنا ترا لي الحين ما شفنا شي..النفط لما يكسر حاجز ال ٢٥ دولار..هذا الخوف منه..و شنو راح يصير وضعنا كدوله فيه

أحمد الحيدر said...

والله يا زول كلامه في محله..

بس ما لازم نتحلطم وما نسوي شي ..

لازم نحاول ونجتهد ونضحي لأجل التغيير للأفضل ..

والله كريم

فريج سعود said...

زين جذي زعلت الزوووول

:)

حياتي هدف مو عبث said...

ما أحب التشاؤم لأنه معه يزيد كل شيء سيء ويزيد دبلات
فلو استغليت الامر بالتفاؤل وسط التشاؤم من الاحوال
سيكون هناك مجال كبير للتفاؤل
:)

ابو لطيف said...

الله يطول عمرك

المفروض تكلمه عن الاشياء الزينه

الصحة
التعليم
الامن
وغيرها من الشغلات الزينة

يازول عسى زولك ما يزول

والله المستعان

why me said...

الزووول حده زعوول

abu eldestor said...

esTeKaNa:

لا الموضوع مو شماته
كثر خوفه على الكويت

abu eldestor said...

ma6goog :

:)

abu eldestor said...

nanonano :

هذا شي اكيد اذا خليت خربت
بس الظاهر ماشفتوا الفيديوا المرفق
:)

اعتقد ان النفط بيعاود الارتفاع حسب كلام المختصين
والله اعلم

abu eldestor said...

أحمد الحيدر :

بو حيدر
اذا تشكلت الحكومة
هني نتفائل

abu eldestor said...

فريج سعود :

اهوا زعلان لانكم فايزين آخر
7 دقايق
صج قهر

abu eldestor said...

حياتي هدف مو عبث :
لاحظ الاطراف المحيطة وستصاب بأحباط

abu eldestor said...

ابو لطيف :

اذا تقصد الصحة أبشرك محد مات من الاهمال

اذا تقصد التعليم أبشرك مافي حالات اغتصاب للاطفال

اذا تقصد الامن شوف الفيديو المرفق

abu eldestor said...

why me :

للاسف من أدنات الدووون

Eng_Q8 said...

كيفنا

قوله وانتوا ليش دشاديشكم تنلبس بالمقلوب عادي الويه والظهر نفس الشي

اهو شاف السودان عشان يتكلم ؟؟؟

مشكله ياخي

دم ظروسي واحد ديرته رايحه فيها يتكلم عن الكويت مو شغله

Enter-Q8 said...

على كل البلا اللي احنا فيه
بس الزول خله يستريح
اهو ودلته اللي يقوم بدري يمسك الحكم

بس said...

مسيك بالخير

جان قلتله يا زول يوقف الشيخ عندكم و يسد الشارع و يسحب فلوي و اللي فيه خير يزمر ؟؟

قوله يا زول نظل احسن منكم و ما عندما مانع انزوده باسامي النكاتي اللي تبيع نناقصاتهم على الشركات الكويتية ؟؟

و يازووووووووول ليش عسرتني :(

بس said...

فلوي= فلوس


النكاتي = المكاتب


نناقصاتهم = مناقصاتهم

abu eldestor said...

Eng_Q8 :
لا حرام عليك اهوا عاش بالكويت فترة طويلة
اطلع بره الكويت وشوغ الناس اللي بتسألك هناك
هناك تظخيم بالخبر بشكل مو طبيعي

abu eldestor said...

بس :
مسيج بالنور و السرور
شفيكم شبيتوا على الريال

الكلام نابع من حبه للكويت

ZooZ "3grbgr" said...

على فكره

اسمع اراء الناس على اي خبر كويتي يناقش باذاعة ال بي بي سي وانت تقول الزول ما ينلام

بقى احد ما ناقش اللي عندنا

مو لما عوير وزوير يمثلون ديمقراطيتنا

الكل بيقول عوع ما نبيها

الله يعزج يا الكويت

almaqwa3 alsharqy said...

قوله يا زول اللي اسمعه عن بلاد الاباااطور00تشابه اسماء
والا الكويت
اسهووود ومهووود

abu eldestor said...

ZooZ "3grbgr :
الله يعزج يا كويت
مافيها نقاش

abu eldestor said...

almaqwa3 alsharqy:
@@

kuwaitawy said...

تلومه ولا ما تلومه



؟؟؟

abu eldestor said...

kuwaitawy :
لا والله ما الومـــه

كويــتي لايــعه كبــده said...

ولا أنا ألومة مع الأسف

abu eldestor said...

كويــتي لايــعه كبــده :
وأخيرا في أحد وقف معاي