Wednesday, July 22, 2009

سوالف الويك إند


بما ان هناك عطلة جميلة للناس
مانبي نغـــثهم و نغــث أنفسنا باخبار تعيسة
وياكـــثرها هاليومين
وعلى هذا الأساس أخترت خبرين أعتقد أنـــهم
شلـــوا تفكيـــري
من كثـــر ماتعجبت منهــــم

------------------


طويل العمر ينجز 500 معاملة بالشهر

ويبرزون الخبر بريع صفحة


انزين تدرون انا و غيري جم معاملة نسوي باليوم



شالفرق بينكم و بين صاحب اعلان التفوق

قبل انتهاء الامتحانات بأسبوعيــــن









---------------

نقطة أخرى



قضية الباكستاني المنحاش
أعتقد أغلبــــكم يعرفهـــا


الراي تقول اللي صاده النقيب البودي


الوطن تقول اللي صاده الملازم الصباح



سؤال برئ


هل هذا اللي يهمكم

؟؟؟



38 comments:

موظف حكومة said...

الظاهر نسيت ان الشيوخ ابخص

شلون واحد من عامه الشعب يصيد مجرمين ؟

Um il sa3af wil leef said...

داخلين على ويك إند وإجازه سهلهاعلينا الله يسهلها عليك

الدســتور said...

موظف حكومة :

انزين والمعاملات

اللي نسوها

لا شكر ولا ربع صورة
:))

الدســتور said...

Um il sa3af wil leef :

وهب موضوع حق الاسبوع الياي بتاكلين أصابعج وراه

enter-q8 said...

مالك شغل بو رزيقه اهو اللي صايده و على فكرة الولد ماسك قضايا اشكبرها بس مشكله ماكو تطبيل مع ان الراي قريبه له
بس على قولتك هذا شغله شكو بعد

اما اللي تحت شنو نقول غير طبلي طبلي
بس للأمانة الادارة العامة للجنسية تروح الكل فزاع و الكل يتحرك

الدســتور said...

Enter-Q8 :

والنعم فيه
اعرف مجهوداته

لكن الوطن شكو رازه ويها

وبعدين على الجنسية اعرف مدى تطورها لكن هناك اشخاص مجهولين ويعملون اكثر من 500

شلون يعني ماياخذون حقهم

bo bader said...

أبو الدستور

على هالمعدل ، كلها سنتين ونصير مثل سوريا !!

Eng_Q8 said...

يا ناشيء :p

Yin مدام said...

يعني الحين مختار هالأخبار عشان لا تغثنا
:))))

ترى سياسة نشر الأخبار بهالطريقة ونوعية الأخبار التي ينشرونها ما هي إلا طرق لتخدير العقل وتغيير الفكر والإهتمامات وزرع ثقافة ضرب الجوخ والتطبيل والتركيز على توافه الأمور

إنت دش أي جريدة وشوف شنو الأخبار الأكثر قراءة... شي يفشل

بس اللي حاط إعلان التفوق هذا عجييييييب
لوول


نتمنى لك ويك أند سعيد إن شاءالله يا أبو الدستور

aaaaaa said...

هههههههههه

مصخره

As YoU LiKE said...

عاد شفيه مبوز بالصورة جذي .. 500 معاملة تسوي فيه جذي ؟ يرحم والديك لاتحط صور .. اكتب من غير صور .. ذبحني الخيال.

نسيت شغلة بعد .. ترا سوبرمان صباحي وباتمان بعد، ومحد يحل جرايم البلد الا اهم.

جبريت said...

اذا باليوم 500 معامله عيل لما يتقاعد ممشي الحبيب كل معاملات الكويتيين والوافدين الي راحو وردو وحتى يصير يمشي معاهم لكل رب اسره مناقصه مو ملازم هذا هذا سوبر مان متنكر يقصون علينا ولا شنو؟؟ صك على سعدون حماد وربعه بروحه

ساره النومس said...

لووووووووووول



اي اغلبهم الحين يبون يسووون من نفسهم ابطال غصب ويدشون التاريخ مو بس من اوسع ابوابه ان شاء الله حتى لو من جحر فار

ساره النومس said...

لوووول روح اختبره وشوف يخلص معاملتك ولا يخلي ناس تخلصها لك :)

Blog 3amty said...

في رواية ثالثة أن الحرامية أهو اللي سلم نفسه!

أهل شرق said...

الظاهر ناسي انك عايش بدولة خليجية

دول التطبيل والتهليل حق الشيوخ

هالنوعية من الاخبار اسميها اخبار

الجمبزه و التخلف

الدســتور said...

bo bader :

كل سنتين وايد

الدســتور said...

Eng_Q8 :

ما الومك
يا بودماء الزرقاء

الدســتور said...

Yin مدام :

مشكورة مدام
ماعليه مثتنا خفيفة

الدســتور said...

انور عبدالله - القصر الأحمر :

عجبتك

الدســتور said...

As YoU LiKE :

يا حبك للتخيل

الدســتور said...

عنيف :

المشكلة باجي الموظفين شقاعد يسوون

الدســتور said...

طموحة مملوحة :

شالمشكلة عندهم صحافة
تطبل على طووول

الدســتور said...

طموحة مملوحة :

لا والنعم فيه شاغول
بس ماكو داعي التطبيل

الدســتور said...

Blog 3amty :

أسأل عيال عم الشهيد

الدســتور said...

أهل شرق :

للاسف والله

فريج سعود said...

الي صاده هم النواب الوطنيين اصحاب التاريخ والنضال على قولة الدعيج



يا خرطي

خالف تعرف said...

زين منه 500

خلوه يساتنس دام عراب الشيوخ احمد الفهد

خلهم يقلدونه

كويــتي لايــعه كبــده said...

بو 500 معاملة الله يعطيه العافية ويكثر من أمثاله
ويمكن الخبر عبارة عن تشجيع وتحفيز الآخرين
ونتمنى ذلك فعلا

اما تلميع من قبض على الباكستاني الهارب يذكرني "بشيخ المباحث" (مو كل شيء له شيخ) أسد حولي الورقي وزجه في كل محاربة للمخدرات كأنه هو وبشته من ركض خلفهم وسهر الليالي في المخافر لا القصور

"لا شكر على واجب"

هالحـــــزة said...

ههههههههههههههههههههههههه

حشى قرندايزر مو بني ادم

خلونا نحسبها مع بعض شوي

نقول اذا الريال يخلص باليوم بالشهر 500 معاملة يعني 500 تقسيم 30 يساوي يعني باليوم يخلص حوالي 17 معاملة عادي اى موظف عادي يقدر ينجز 17اكثر من 30 مو بس 17 باليوم الواحد فاليش كل هالبربوقندا الكبيرة :)انا رفيجي موظف في البنك التجاري ينجز اكثر من 60 معاملة باليوم للزابين لوووول


وبعدين سالفة الملازم بين دبات المياة والسطوح عادي يمكن الريال اخذه الحماااس عاد حماس الشباب الكويتي مو طبيعي لووووول

Anonymous said...

لوعوا جبدي

عفره said...

عيل تسلق السلالم
زين لابس دشداشه ولا ترنق

الدســتور said...

فريج سعود :

:))

الدســتور said...

خااالف تعرف :

هذا ماكو احد مثله

الدســتور said...

كويــتي لايــعه كبــده :

تحفيز ما اعتقد

الهدف من البوست
تسليط الضوء على الاعلام التعبان

اللي يلمع ناس على ظهر ناس

الدســتور said...

هالحـــــزة :

سوالف الحساب ماحبها

:))

الدســتور said...

Anonymous :

سلامة جبدك

الدســتور said...

عفره :

ســـؤال وجيه