Saturday, July 4, 2009

ألـــعب غيرها كابتن مرزوق


ذهب الاستجواب و ذهب كلآ في طريقه
و يبقى السؤال المحتوم شصار عليها الخمسة


التكتل الشعبي معزم على التقدم باقتراح لالزام
الحكومة بتحويل طلب الاعلانات الى النيابة العامة


و الطلب هنا لاقى معارضة قبل أن يطرح فعليا
فالدكتور زلزلة رأى أنه تحد لارادة الشعب
و غدا سيخرج لنا غير السيد و بيقول كلام آخر


إذا العملية ليس كما يقولون ان الاستجواب قبلي
أو استجواب شخصاني
بل انه دفاع عن الوزير


حماية لهم من حل المجلس و الخوف من ضياع تلك الكراسي


و هنا يحق لنا أن نتسائل إذا كنتم متأكدين من براءة الوزير
فما المانع من تحويل الأمر الى محكمة الوزراء


و دعونا نشوف من هم المحافظين على القســم
و من هم من يرون أن القسم يختص بالمبالغ التي تفوق الخمسة ملايين


و صدق و ضــــاح بقولة لهذا الشعـــر


والله إذا حَلّوه.. بسَوّي 'إعلان'
للداخليه، من ذهَبْ مو حدايد
وأعطي شوَي لفلان وشوي لفلان
دامه 'دهان السير' صاير عوايد!
مليونْ.. مليونين.. أنا اللي ربحان
تصفي ثلاثه لي ويّا الفوايد
ما همني لو قالوا: الشعب زعلان
وإلا إكْتبوا عن 'صفقتي' في الجرايد
أقول: قصّه احداثها في زمن 'كان'
لا تْحاسبوني عن زمنْ صار بايد
وإن حاصروني.. أنقلب شخصْ شيطان
وأثير فتنه لناصبين المصايد:
'حضرْ.. بدو' وأولّع شوي نيران
من بعدها تِفْرج عليّ الشدايد



نقطة أخرى


يبدوا أن مرزوق أحترمنا نحترمك
أبتدع حملة جديدة مدفوعة الأجر


و اراد أن يبتعد عن الشــك
و عـــن القيل و القال
و وضــع جميع الاسماء المؤيدة للوزير
و شكرهم شكر خـــاص
و تصويتهم لمصلحة الكويت

و سألوا القبس منو اللي حاطه

و تغــافــل الناس و يحسب الناس ماتدري


المهم أنه كاتب مصلحة الكويت
شتقـــول ... مــا أسمـــــع


و ين مصلحة الكويت يابوعلى يوم تساهم بالايقاف الرياضي
و بالاشتراك طبــعا مع طلال رامبو


و وين مصلحة الكويت بهواشك الطفولي
باتحاد القدم وتفكيك الاندية مابين تكتل و معايير


يا بوعلي احترمنا نحترمك
ماتحترمنــــا
بنطلــــع بلاويك

45 comments:

enter-q8 said...

بو الدستور
ما يذكر بانتخابات القوائم
القوي يحط اسمه بالاخير
هههههههههههههههههههههههه

ZwaiZ said...

MAN TO MAN hehehe

Blog 3amty said...

حيلكم فيهم من جبيرهم لي صغيرهم !

خل يعرفون أن وراء المال العام زلم !

كويتي شعبي said...

حدها قوية بوالشباب وصل لي هالمستوى؟

الشرهه عل القبس مع إنة ما عليها شرهه بالأساس

Eng_Q8 said...

طلع طلع

nanonano said...

أنا شخصيا ودّي من صجي أن الشعبي يعزّم و يقدم الطلب

عشان أبي اللي قاعدين يألفون أسباب لعدم طرح الثقه

تطلع صجيّتهم الحين
====

و بعدين أفــــــــــا يا بوعلي

هقيتك
more creative

بس أذا صج أنت ورا هالأعلان

ترا المستشار اللي شار عليك بهالفكره...مو شي

غيــــــــــــــــــره

بسرعه

kuwaiti_cool said...

احترامي للحرامي

Mohammad Al-Yousifi said...

سو وقوف عاليد , ما راح تستغرب من اللي يصير

مَـــــعْــــمَــــعَـــــه said...

طلعت هذي سوالفه والله عيب ويقول احترمنا بعد هذي سواتك وتبي الناس تحترمك

وحاط اسمه بالاخير مسكين برئ يعني ...لو حاط اسمك تحت خالك يمكن الناس تطوفها ما تشك فيك يالغشيم

C'est La Vie said...

شفت الاعلان واستغربت
ان يطلع مثل هالاعلان وسط حالة الاحباط من النتيجة
بس الله يعافيك اخوي شلون عرفت انها من الغانم؟
يمكن طافتني بس ممكن توضحلي هالنقطة؟

هل كيف said...

كفو والله قاعد له قعدة بو الدساتير

صج احترمنا لنحترمك تنطبق عليه

كويــتي لايــعه كبــده said...

وضاح جابها جيب كالعادة

وبانتظار تقديم الشعبي طلب الاحالة الى محكمة الوزراء كما هو المفروض


اما ابن الاخت البار
ففضايحه ما تشبلها البعارين
يمكن تشيلها البي أم ـآت والرنجات السبورت

Q80 Blogger said...

انا أقول حق مرزوق

سنع خوالك بس !!

فريج سعود said...

الجماعة مصيفين باوربا ويدخنون سيجار ويلعبون بايدهم وبريولهم بخمس ملايينكم

ذليتوا الناس على هالخمس ملايين

لا تخلونهم يعصبون ويردونهم ارباع

bo bader said...

لو يعرف يلعب غيرنا جان لعب !!

لكن هذا حده

طول عمره عايش على البروبوغاندا الكاذبة

ومع الاسف ذاكرة الناس قثيرةل

bo bader said...

تصحيح :

ذاكرة الشعب قصيرة

DiLLi O MiLLi said...

أقرى قانون محاكمة الوزراء
في مقال عبداللطيف الدعيج اليوم
http://www.alqabas.com.kw/Article.aspx?id=514852&date=05072009



أما سالفة أعلان القبس
مو دفاع عن مرزوق
بس أنا ما أمشي على قالولي أو سألت
يمكن اللي موصلك المعلومة من ربع الشعبي
ييبلي ما يثبت أن مرزوق اللي منزله
وأذا قلت هذا الشي ما تقدر تثبته
أقولك : يااا أبو الدستور
ماكان لازم توجه التهم من غير دليل مادي

وهذا موو تقليل بثقتي فيك
بالعكس أنت أول المدونات اللي أفتحها كل صبح
وأستمتع بمواضيعك وأن كانت بعضها مخالف لرأيي
كنت أجادلك فيها
يا تقنعني يا أقنعك


:)

الدســتور said...

Enter-Q8 :

يعني الكبير ها
:))

الدســتور said...

ZwaiZ :

عليك نووور

الدســتور said...

Blog 3amty :

:)) حاضرين

الدســتور said...

الـشـعـبي :

القبس
تابعه للخوال

يبا انسى شي اسمه مصداقيه

الدســتور said...

Eng_Q8 :

الصبر جميل

الدســتور said...

nanonano :

أبشرج معزم
و بتشوفينه

-----

غلطاته
بازدياد

الدســتور said...

kuwaiti_cool :

خذه الخمسة
و ين بتحصله

:))

الدســتور said...

ma6goog :

انزين قليلبه يصير

الدســتور said...

مَـــــعْــــمَــــعَـــــه :

سوالف الترتيب
يبيلها عبدالواحد العوضي

الدســتور said...

C'est La Vie :

استأذنج بقراءة البوست
مرة ثانية و قلتلج بالامكان
الاستعانة بأحد من القبس للتأكدين
بنفسج

الدســتور said...

هل كيف :

حاضرين

الدســتور said...

كويــتي لايــعه كبــده :

ايه الاخوان اختصاصك
:))

الدســتور said...

Q80 Blogger :

:))

الدســتور said...

فريج سعود :

ها

لايكون اللي ماخذهم الحفيتي

الدســتور said...

bo bader :

ربعنا
طيارة بالنسيان

الدســتور said...

DiLLi O MiLLi :

أهلا و سهلا
يسعدني صباحك
مع الاحترام الكامل للاخ عبداللطيف الدعيج
و لكن العلومات المستقاة منه منقوصة
بمعنى
بامكان اي شخص التقدم لاحالة الوزير الى محكمة الوزراء صحيحة و لكن
التكتل الشعبي هنا ليسوا مواطنين بل اعضاء بمجلس الامة
و سيتقدمون بطلب لالزام الحكومة بتحويل الملف بالكامل مرفق به تقرير ديوان المحاسبة لاحالة الوزير الى تلك المحكمة

ثانيا
بذمتج و أنا هنا أخاطب الذمة
عمرج قريتيلي وانا كنت كاتب معلومات مو متأكد منها
و صدقيني لو بقعد و بسمع و بكتب اللي سمعتها
لأوصلت عدد البوستات 5 ملايين
ياكثر حجي الكويتيين
:))

و يشرفني مرورج الصباحي و اتمنى استمراه
اما سالفة الاعلان فأسمحيلي
لو كنت أمتلك أصل وصل الاعلان
لوضعته بالمدونة
:))
لكن سأوفر العناء
وبقولك تأكدي من اي احد بالقبس
كما تأكدت انا من قبلج

متزوج 3 وعمري 28 said...

لم تقدم ما يثبت بإن مرزوق هو صاحب الأعلان؟
وسيظل مروزق تاجراً ابن تاجر ابن تاجر
لذا فدخوله السياسة
ما هو إلا تعزيز لتجارته
فكيف تنتظر منه أن يكون وطنياً
..

أهل شرق said...

اول شي الاعلان حاطه مرزوق او خاله

ماطاح الا انبطح
________________________________

وبعدين حاطين شكر على سواد ويوهم

علام هالناس لا حيا ولا مستحا

ساره النومس said...

يافضحي لووووووووووووووول

ساره النومس said...

لووووووووووول اهم مجموعة :)


شلونك ابو الدستور ؟؟؟

شخبارك ؟؟


جان حط اسم الحدسي الخبل الي ملوع خشمي

reemas said...

يعطيك العافية
مجهود طيب تشكر عليه اخي العزيز
وكتابات رائعة
من متابعينك الصامتين
و حاب تشرفني في مدونتي
ان شالله تعجبك
سلام

الدســتور said...

متزوج 3 وعمري 28 :

اخينا المتزوج

سبق وان قلت
لا أملك أيصال دفع قينة الاعلان لأضعه بالمدونة
لكن معلومتي صحيحة
و عليك و على غيرك التأكد منها

الدســتور said...

أهل شرق :

الشكر
يعني في ناس راضية على اللي مسوينه

و هذا اكبر دليل على ان الربع خايفين من ردة فعل الناس

الدســتور said...

طموحة مملوحة :

انا تمام
وانتي ؟؟؟

اذا قصدج جمعان
مايصير
لأن وقف ضد الوزير
موقف يشكر عليه حقا

الدســتور said...

reemas :

اهلا و سهلا
يشرفني حضور المدونة

esTeKaNa said...

إنه قسم لو تعلمون عظيم يا ابو الدستور

أثر القسم على المحافظة على الأموال العامة
وهل هناك ضابط للأموال العامة
هل الدينار يفرق عن المليون؟

اعتقد انها افكار جميلة
:))

وصبحك الله بالخير
:)

الدســتور said...

esTeKaNa :

صبحج الله بالنور و السرور

المشكلة كل واحد يفصل الامور على هواه

ساره النومس said...

لالا موقصدي جمعان انا احترم جمعان صراحة:)