جميع الصور السابقة هي ما تم تجميعه خلال يومين فقط و أعلم أن هناك الكثير من تلك الأخبار مسطرة بصحفنا يوميا وهناك أيضا مئات الأخبار معلقة في محاكمنا المنتشرة على أرضنا المعمورة
كتابة اليوم تختلف كثيرا عن سابقاتها فاليوم لن نتكلم عن حكومة ولا عن مجلس بل نتكلم عن كويتيين اليوم وتصرفات البعض من ربعنا للأسف فالكثير منا يجلس ويضع رجل فوق رجل ويتكلم بالسياسة وعن الأوضاع الداخلية وطرق حلها وكأنه بوعيده أو بوخرشد و هو القادم لإصلاح الأوضاع و لكنه متى ما خرج من هالقعده تخرج معاه تلك الروح الوطنية ويلبس عباءة المراهقة و القذارة في آن واحد
فتلقاه عند أول لفة فوق تحت يحذف الكلنكس وعندما يسفط بالإشارة نزل الطفاية ونظفها بالشارع ...الخ و ماني مكمل حفاظا على الذوق العام وحتى لانعمم فهذه الأشكال مختلفة الوجوه فمنهم لحيته طويلة ومنه من يضع السكسوكة ومنهم الحريم بعد ومنهم الليبرالي بعد والعلماني أي ما لـــذ وطاب
و حتى ما أطق رصيف عندما يأتينا شهر الخير رمضان يبدأ أخوانا المطاوعة بنصح الشباب ويتمنى منهم فتح صفحه جديدة مع الرب وأن يبدؤوا بالصلاة والعبادة وعلى هذا الأساس والمعتقد انصح أخواننا الأعزاء أن يبدؤوا من الآن وفي هذا الشهر شهر المناسبات الوطنية أن يفتحوا صفحة جديدة مع وطنهم لتنظيف معنى المواطنة وتبطيل الاستهتار و الرعونة واحترام القوانين وعدم التقحص بالدوار ... الخ
قبل الختام ... تذكروا كيف حالنا بوقت الغزو وكيف أصبحنا نحمد الله عليها بالصبح و المسا وكيف كان تلاحمنا وكيف عملنا فإلى الآن أتذكر تفاصيل عملي اليومية بوقت الغزو
من الصباح و أنا أعمل بأرفف الجمعية و أساعد شيابنا و عيايزنا وبالظهر عقب الغداء الخفيف أروح لفرع الغاز و أشتغل فيه مع ربعي نشيل الدرامات ونحطها بالسيارات وبليل ... الله ليليحن أتذكر الساعة اللي أشوف فيها 7.30 كنا نركب سيارة التنظيف و نفتر فيها على البيوت و من فريج إلى فريج ومن أرجع أقعد بالصالة مع الوالد الله يرحمه مع الوالدة والأخوان و أنام عندهم لأني مابي أفارقهم كفاية الصبح مو شايفهم
يا كويتيين اليوم أحمــدوا ربكم على النعمة وأبدوا من اليوم باحترام بلدكم وقانونها
ختاما .. إهداء لمن عاش هذه الفترة العصيبة و الله يرحم كل من قدم روحه بسبيل الكـــويت و يحفظ لنا الكويت
44 comments:
واحد من الشباب البارح أقترح علي نحرقهم بقاز !
بس قاعد أخاطب شركة البترول الوطنية عشان أشوف مخزون القاز اللي عندهم يوفي ولا لأ !
النفوس تغيرت مو مثل الأول ..
الله يستر علينا
عدل كلامك و الله
تلقى ريال سكبة و موتر كشخة و يخرب بيت وصاخته يحذف بطل الايفيان ماله بالشارع
Blog 3amty :
النفوس اهيا اهيا
وصدقني لو صار شي بتلقاهم على ايد وحدة
بس يبون اللي يصحيهم
Fashionista :
ياليت الايفيان
شكل الماي أروى
المواطنه يجب ان تكون حتى بقطف الزقاير الي ينقط بالشارع
والله لا يعيد الغزو ويحمي الكويت من كل مكروه
سبقتني بالاغنيه
الله يرحم شهدائنا واسرانا
اليوم الساعه 1.30 بالليل واحد اقل ما يوصف انه سافل و اهله ما اعرفوا يربونه او اهله مو متربيين رايح راد و يقحص اتصلت على 777 قلت لهم عيالي الصغار كل اشوي مفزوعين يا انكم تشوفون لكم صرفه يا اني بروح ادعمه
تصدق اني انصدمت لما شفت المقمين ملتزمين بمعنى المواطنه اكثر من المواطن
لك الله يا بلد
Eng_Q8 :
آميييين
افكاري وافكارك وحدة مهندسنا
Enter-Q8 :
للاسف شي ينرفز
اذا دورياتنا سافطة على الرصيف و الشرطي واقف برة يتمخطر و يرضع
شلون ما تبي هالسوالف تصير!
انا يوم الخميس اروح الشاليه درب نص ساعة رايح و نص ساعة راد
تصدق ما اشوف ولا دورية لا بالروحة و لا بالردة ؟
شلون ما تبي الناس تتسيب
شخصيًا قمت أترّك تتريكة وحدة
لكل من يرتكب مخالفة أمامي
سواء ألقى نفايات من نافذته
أو عبر إشارة حمراء
أو عطل سير الطريق ليعاكس!؟
التصرف محرج بالنسبة لي
لكنه أكثر إحراجًا لمقترف الخطأ
حيث أنه يعطيه إيحاء
أن مراقب وتم تصويره :)
"من رأى منكم منكرًا فليغيره
بيده فإن لم يستطع فبلسانه
فإن لم يستطع فبقلبه
وذلك أضعف الإيمان" حديث
اييييه عورت قلبنا بهالمقارنة
حالنا بالغزو كان أفضل
من عدة جوانب من حالنا اليوم
تنظيم المرابطين كان أسنع وايد
من حكومات بدون هوية أو برنامج
أصلح الله أمورنا
وأعاد علينا الأعياد
وأمثال بو عيدة بعاد عنا
لله الحمد انا انسانة احتم دولتي وقوانينها ولو ان وايد يضحكون علي بس صج صج والله اذا الشرطي ماعطوه هبته بيخافون من منو ؟ كله من الواسطات لابارك الله فيها ، طيحت ناس وايد على حساب نفسها .. وصج والله الكويتي عنده يخترق القانون بس لحد يخترق قوانينه هذا من الدلع الزايد ..
العزيز بو الدستور
فعلاً شيء مخزي ... المشكلة التمرد صاير عند الشعب قوه .. يحط عينة بعينك بقوة واهوه يرتكب الغلط ....
المصيبة الاعظم البنات صارو ما يستحون وانا صارت لي مواقف وايد معاهم بالشارع ... يا تيني وحدة وتنام علي نومة محترمة بالشارع لا وتخزني و ترفع ايدها بويهي ...
يا تعطيني هرن يخبص قلبي ... وتحلف ما تشيل ايها عنه الا اذا مت جدام عيونها !!!
وغير ذيك اليوم عايلة بالشارع واحنا نمشي خلصو اكل و حذفو عِلَبهم وكياسهم بالشارع والسيارة تمشي مو واقفة !!!
ولي نصحناهم ردو علينا بعنف وقالو انتي شكو !!!
بعد شنسوي
دمت بخير وسلام
مساك الله بالخير
انا من راي بلوق عمته
النفوس تغيرت ؟ ووايد
بعد واذا انتقدت و لا تحجيت
صرت غلطان ماتفهم تتدخل
بخوصيات الغير ؟
اذا ما تغيرنا و النفوس
ماصفت بنوصل الي الاردى
الله يستر على الديرة و اهلها
:((
بيتنا على شارع رئيسي في منطقه داخليه, و الله العظيم ناوين نبيع بيتنااللي صار لنا أكثر من 50 سنه فيه و السبه البهايم مالوت تالي الليل, سياكل بدون اقزوز صوتها يقوم أموات و ناس اتشفط الساعه 4 الفير, الذوق العام بالانعاش يا جماعه
Z.
ma6goog :
قمنا مانخاف الا من الشرطة و بس
للاسف
الظمير الداخلي راح
أخبار الاتحاد :
زين تسوي فيهم
وعن نفسي بسويها
بمشي و أترك
طموحة مملوحة :
عفية عليج
و الله يكثر من أمثالج
والموت يعشق فجأة مثلي..والموت مثلي لا يحب الإنتظار :
فوق شينهم قوات عينهم
للاسف
بس :
مساج الله بالنور
لا والله ماتغيرنا
بس يبيلنا نفضة
Anonymous :
الله يعينكم بس
اهي الدار اللي ربتني
آي قلبي
وربي بجيتني ودخلتني بذكريات الغزو
:/
اي والله وبره الديره يتراعدون لا يسون شي غلط
يبيله قانون سنع مو بس حجي مثل ما يقط بالشارع ينظف الشارع طول بعرض
ويبيله هرن مثل لما قال السنعوسي عن التصجم لوول اترك لكم هاللنك اللي بالصميم
http://www.youtube.com/watch?v=V7Cz3phy0Ug&feature=related
ينربط لساني لي جيت اتكلم عن شهداءنا وتقصيرنا وتقصير الحكومة بحقهم
لكن راح أجبر نفسي بكتابة قصة أحد الأعزاء من أبطال الغزو
وشلون ديرته اللي باع نفسه على شانها ردت له الجميل
وخلك من كلام الداخلية
لو بيصلحون صج كان وقفوا واسطات تصاريح القيادة من اساس وفكونا من الخطر من اساس والا خططوا الشوارع بشكل صحيح. ما اردى من المربوط الا المفتلت!1
انت ملاحظ لي شغلت الإشارة عشان تلف يعاندونك زياده؟؟
شنو هالحركه تحرني!
ZooZ "3grbgr :
بجتنا كلتنا هالأغنية
Coffee :
لا اشوه بطلوا منها
الحين على الوافدين
كويــتي لايــعه كبــده :
الله يرحمهم بس
Яeema :
يعاندونا احنا
بس انتي ما اعتقد
:))
من امن العقوبه اساء الأدب
:(
ذكرتهم بموضوع سابق عندي والله العظيم شي يحر
اليوووووووووووووووم
حررررررررررررررررني
واااحد عند الاشاره الي بين اشاميه وكيفان تخيل القذر الوسخ عديم التربيه والذووووووق
ياكل حب ويقط القشووووور بره على القار ....آآآآخ صج شي يحر
المصيبه يا عزيزي هالاشكال لي الحين مو مستوعبين انه الكويت بيتنا العود الي يلمنا كلنا
يا ترى اهمه يقطون اقشور الحب والزباله في بيوتهم
!!!!!!!
خلها على الله
وكأنك تقرا افكااري
تحياتي
صبا :
لاحول ولا قوة الا بالله
اذا البنات ينامون عليهم
عيل احنا شنقول
يصعدونا رصيف
فاتني أن أنبه
بأنها تتريكة واحدة فقط
وأكون "مسكر" قفل الباب
تحسبًا لأي ثورات مفاجأة
يفضل التتريك لنفس الجنس فقط
حتى لا يساء فهم الحركة :)
هذه إرشادات دليل الاستخدام
مع أطيب التمنيات
______________
لو كل واحد كان خفير
كما قال الشيخ سعد رحمه الله
لغدت الكويت أجمل وأجمل
أخبار الاتحاد :
اي بس منو الخفير عليهم
حبك للديرة دليلك
وما يحتاج خفير للخفير
ولجنة لتشكيل لجنة :)
وعند تطور الأمور
عندنا قضاء وقانون
ولكن عادة الناس تتقبل التوجيه
خصوصًا إذا أتى بنفسية حرص وليس حقد
ومصحوب بابتسامة :)
أخبار الاتحاد :
ثق تماما ان هذا لن ياتى الا برقابة شعبية منتخبة
وعن طري الايمان بالدستور
:(
ليش ما قريت تعليقي
؟؟
ردك ماله شغل بالتعليق الي كتبته لك
محاربتك
:(
حبيبي بودستور
المشكله مشكلة أخلاق وسلوكيات فقدة منذ فتره بشكل مستغرب منه
أخبار الأتحاد:-
للأسف انكم بهذا الحديث تتجاوزون حدودكم ولستم كمن يقول كل مواطن غفير ومسئول عن استقرار بلده.. بلد تتخذون هذا الحديث لكي تكونو اوصياء على الناس...
ثم اذا كنت ترى أن ايام الغزو كانت افضل من الآن فلا غرابة... فقد كنتم ضد تحرير بلدنا من قبل قوات التحالف..
صبا :
لا والله مو مني
المعلومات دشت ببعظها البعض
اقولج شي
الحين شواع ماقمنا انميزها
اذا كانت بالعاصمة أو غير العاصمة
الكل يبطل الدريشة و يقطله شي
:))
لا تزعلين
كل شي
و لازعلج
احمد سالم :
صح لسانك
المتهـافت :
أها
بتييبون
صراعات الجامعه
عندي في البلوق
:))
في حريم يقطون سفرة عشاء كاملة من الدريشة
اشوه المطاعم ما يبيعون مواعين
فريج سعود :
على حسب المنطقة
اي والله
يبيلنا حملة من البلديه
تحث على النظافة
الناس صار عندهم عادي جدا ان يرمون القاذورات في الطريق
من صغيرهم لي كبيرهم
هاذي حاله بلله
لازم نربي نفسنا مره ثانيه
نظافه وحسن سير وسلوك
مستفسط:
البلدية بوحها يبيلها حملة
Post a Comment