Thursday, September 25, 2008

كلنا عيال قرية يابوهايف



كنت ناوي ما أكتب عن أي موضوع خلال الأيام الأخيرة لشهر رمضان
بس مرات الظروف تحكم
في إحدى حلقات كلنا عيال قرية السعودي دخلت الأخت مع زجها المتدين على أخوانها سليم وكريم(عبد الله السدحان ، ناصر القصبي ) في شقتهم وشافوا عندهم ببغاء
المتدين مخاطبا الأخوان : ليش ماتسألون الشرع والشيوخ عن دخول هذا الحيوان إلى الشقة وماتدرون أن هذا الفعل حــرام
وفجأة الأخت تطقه : الكلب اهوا اللي حرام دخوله المسكن مش الببغاء
رد المتدين : شمدريني توني صاير متدين

تذكرت هالحلقة وأنا أقرأ هالتصريح




فشيخنا المحترم يحذر الحكومة من التهاون والتراجع في حجب الموقع لأنه يراه وبمنظوره الخاص
أنه ينشر الرذيلة ومع هالكلام المنشور له نراه لديه
Channel
بالموقع ويحتوي على جميع مقابلاته وندواته
يعني يا شيخنا الكريم إذا هالموقع ينشر الرذيلة عيل شنسمي قناتك
وليش حاطها بالأساس

ومع كل هذا آنا واحد من الناس بقولها لك ولحكومتك بعد
بدش على هالسايت سواء حجبتوه ولا خليتوه
وفوق هذا وذاك بتابع
Channel kuwaiti13
المفضلة عندي

15 comments:

شـقـــــران said...

الأخ العزيز أبو الدستور

تحية طيبة


حقيقة لا استغرب تصريحات النائب محمد هايف..فهو يتحفنا دائما بكل ماهو جديد!!!؟

أما قضية منع الموقع وبنفس الوقت له قناة في الموقع فهذا يسمونه ازدواجية، اشكرك على تبيان قناة السيد النائب في اليوتيوب وبنفس الوقت يسب ويطالب بمنعها!!؟



دنيا غريبة وكلما مافيها يتجه للأغرب




مع وافر الاحترام وصادق المودة

abu eldestor said...

شـقـــــران

الشكر لك ول
KUWAITI13

As YoU LiKE said...

كاشخ الله يهداه باليوتوب .. معطيه قيمة :)

يمكن تكنولوجياً لايفهم بالامور .. فشركات الانترنت تقدر تحجب وصلة الفيديو وتفك عمرها ..

لكن المشكلة حاطين ايميلات مايردون عليها.

why me said...

@@


والله حاله

ZooZ "3grbgr" said...

شاء أم أبى
آنا بدش يوتيوب لي باجر

why me said...

مو سياسه هذي

ما يصير الانترنت حرية شخصيه

بعد شرايكم نلغي النت بكبره مو احسن جذي




تفكير ماصخ ماله طعم

abu eldestor said...

As YoU LiKE :
شكلك مراسلهم
:)



why me :
خرابيطهم ماتخلص
ومنو اللي بيرد عليهم
تدرين شنو المشكلة
احنا عندنا بلوك على وايد سايتات
و أصحاب الشركات لا بلوك ولا عمات عين
:)


ZooZ "3grbgr :
عاش التحدي

حياتي هدف مو عبث said...

ما تبطل معاي الجنل ماله
لكن ترى من الممكن ان مو اهوا اللي مسووية .. ممكن اي شخص عاجبه محمد هايف
فمسووي له هالجنل
واما مسألة اليوتيوب والفيديو اللي تم عمل ضجه عليه
للأسف عطاه أكبر من حجمه
المفروض يسوون فلاق شي جذي للفيديو
والواحد لو يشوف اشكثر في اشياء زينه وتنفعنا كمسلمين
يرتاح

لكن للأسف النظرة السلبية تطغى على النظرة الايجابية

:)

كش ملك said...

والله البلد محتاجتة في امور اهم
بس الله يهداه ما ادري فيه خايرها
حاط دوبة ودوب الامور التافهة

الظاهر سكرتيرة بالمجلس بنغالي
ومضيعة

abu eldestor said...

حياتي هدف مو عبث :
تأكدت من الرابط ولقيته شغال
على العموم دش عليه
omah 2008
وشي أكيد مو أهوا
صعبة عليه
:)


كش ملك :
صدقني أفغاني مجاهد

Blog 3amty said...

كبّر راسك عنه، يحن يحن ويسكت !

why me said...

عيل انا ببطل شركة

:)




عيدك مبارك وتقبل الله طاعتك


:)

abu eldestor said...

Blog 3amty :
الله يهداك كبرت السالفة


why me :
يلا انا وياج شراكة
:)
ايامج سعيدة انشاءالله

Enter-Q8 said...


عيدك مبارك
و تقبل الله طاعتك


الغريب بالامر اهم او اللي ينقلهم المعلومة ان ينقل الجانب السيئ
تكلمت عن الاخوان بكم تعليق
وقلت هل اهم اطلعوا على فحوى الموقع كله و تقاسيمه
ياخي خل يحسبونها حسبة مئوية و يشوفون الموقع اشكثر يضم من الزين و من الشين

حاجه تفلق

abu eldestor said...

Enter-Q8 :
المشكلة اللي نشوفها بعد هاللوية
تصريح الوزير الغنيم اللي يقول ننسق مع الدول العربية لمنع الاساءة
تخلف قمة التخلف
قلنالهم دشوا على
flag
وأهما معندين
كيفهم يبون البهرجة